އޭޖެންޓުންގެ ލައިސަންސް އައުކުރުމަށް އެޕްލިކޭޝަން ފޯމު ކަސްޓަމްސްގެ ޕޯޓަލްއިން ހުށަހަޅަން އަންގައިފި
އޭޖެންޓުންގެ ލައިސަންސް އައުކުރުމަށް އެޕްލިކޭޝަން ފޯމު ކަސްޓަމްސް އޮފީހަށް ހުށަހެޅުމުގެ ބަދަލުގައި ކަސްޓަމްސް ޕޯޓަލް މެދުވެރިކޮށް ހުށަހެޅުމަށް އަންގައިފިއެވެ.
ކަސްޓަމްސް އާންމު ގަވާއިދުގެ 228ވަނަ މާއްދާގައިވާ ގޮތުން އުޅަނދުފަހަރުގެ އޭޖެންޓުންގެ ލައިސަންސްގެ މުއްދަތަކީ ލައިސަންސް ދޫކުރާ ދުވަހުން ފެށިގެން އެއް އަހަރެވެ. މިކަމާ ގުޅޭ ފޯމު ކުރިން ހުށަހެޅީ ކަސްޓްމްސް އޮފީހަށެވެ.
ނަމަވެސް އެ މުއައްސަސާއިން މިއަދު ބުނީ އޭޖެންޓުންގެ ލައިސަންސް އައުކުރުމަށް އެޕްލިކޭޝަން ފޯމު ކަސްޓަމްސް އޮފީހަށް ހުށަހެޅުމުގެ ބަދަލުގައި ކަސްޓަމްސް ޕޯޓަލް މެދުވެރިކޮށް ހުށަހެޅުމަށެވެ.
ލައިސަންސްގެ މުއްދަތު ހަމަވުމުން އޮޓޮމެޓިކުން ހިދުމަތް މެދުކެނޑޭނެ ކަމަށް ވެސް ކަސްޓަމްސްއިން ބުންޏެވެ.
