Tuesday, 17 November 2026
Advertisement
HDC — Share-Below (leaderboard)
ސިޔާސީ

އިންޑިއާއާ ގުޅޭ ސިޔާސަތަށް ފާޑު ކިޔުން ޖިނާއީ ކުށަކަށް ނުހެދޭނެ: ޑރ. ޝަހީދު

އިންޑިއާއާ ގުޅޭ ސިޔާސަތަށް ފާޑު ކިޔުން ޖިނާއީ ކުށަކަށް ނުހެދޭނެ: ޑރ. ޝަހީދު

އިންޑިއާއާ ގުޅޭ ސިޔާސަތަށް ފާޑު ކިޔުން ޖިނާއީ ކުށަކަށް ނުހެދޭނެ ކަމަށް އެމްޑީޕީގެ ފުރަތަމަ ސަރުކާރުގެ ހާރިޖީ ވަޒީރު ޑރ. އަހްމަދު ޝަހީދު ވިދާޅުވެއްޖެއެވެ.

ޑރ. ޝަހީދު މިރޭ މިހެން ވިދާޅުވެފައި މިވަނީ، ދިވެހި ދައުލަތުން އެކި ގައުމުތަކާ އެކު ގާއިމުކޮށްފައިވާ ގުޅުންތަކަށް ނޭދެވޭ އަސަރު ފޯރާގޮތަށް ހިންގާ އަމަލުތަކަކީ ޖިނާއީ ކުށަކަށް ހަދަން ރައްޔިތުންގެ މަޖިލީހުގައި ބިލެއް ޑްރާފްޓް ކުރަމުންދާ ކަމަށް އެމްޑީޕީގެ ބައެއް މަޖިލިސް މެންބަރުން ވިދާޅުވެފައި ވަނިކޮށެވެ.

ސަރުކާރު ހިންގާ މައި ޕާޓީ ،އެމްޑީޕީއިން ޑްރާފްޓް ކުރި މި ބިލާ ދެކޮޅު ހައްދަވަމުން ޑރ. ޝަހީދު ކުރެއްވި ޓްވީޓެއްގައި ވިދާޅުވީ ހިޔާލުފާޅުކުރުމުގެ މިނިވަންކަން ޖިނާއީ ކުށަކަށް ހެދުން އެއީ އެމްޑީޕީން ވަކިން ހާއްސަކޮށް ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި މަޖިލީހުގެ ނައިބު ރައީސް އީވާ އަބްދުﷲ އަދި އެމްޑީޕީގެ މާފަންނު އުތުރު ދާއިރާގެ މެންބަރު އިމްތިޔާޒް ފަހްމީ ކުރައްވާނެ ކަމެއް ކަމަށް އެމަނިކުފާނަށް ހީފުޅުނުކުރެއްވޭ ކަމަށެވެ.

Advertisement
Allied Insurance — Square (box)

"ހާރިޖީ ސިޔާސަތާއި އިންޑިއާއާ ގުޅޭ ސިޔާސަތަށް ފާޑު ކިޔުން ޖިނާއީ ކުށަކަށް ނުހެދޭނެ" ޑރ. ޝަހީދު ވިދާޅުވިއެވެ.

ޑރ. ޝަހީދު އިތުރަށް ވިދާޅުވީ، އެމްޑީޕީން ޑްރާފްޓް ކޮށްފައި މިވާ ބިލު ތަންފީޒު ކުރުމަށް މަސައްކަތް ނުކުރާނެކަމަށް ދެކެވަޑައިގަންނަވާ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.