އިންސާފު ލިބޭނީ ބަޣާވާތުގެ ވެރިން ދަން ޖައްސައިގެން: ނާޒިލް
އިންސާފު ލިބޭނީ ބަޣާވާތުގެ ވެރިން ދަން ޖައްސައިގެން ކަމަށް ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން ނާޒިލް ވިދާޅުވީ ކުރީގެ ރައީސް މުހައްމަދު ނަޝީދުގެ ވެރިކަން މީގެ 10 އަހަރު ކުރިން ވައްޓައިލީ ބައާވާތަކުން ކަމަށެވެ. އަދި އެކަމަށް އިންސާފު ލިބުނު ކަމަށްވާނީ ބައާވާތުގެ ވެރިން ދަންޖައްސައިގެން ކަމަށް ނާޒިލް ވިދާޅުވިއެވެ.
"ބަޣާވާތުގެ ވެރީން ދަން ޖެއްސުން، އެ ކަމެއް ނުކުރެވުނު، އެ ވެރީން ދަން ޖެއްސި ނަމަ އިންސާފު ލިބިގެން ދިޔައީސް" ނާޒިލް ވިދާޅުވިއެވެ.
މީގެ އިތުރުން އޭނާ ވިދާޅުވީ ބައާވާތް ހިނގިތާ 10 އަހަރު ވިޔަސް ލިބުނު ގެއްލުންތަކުން ގައުމަށް އަރައިނުގަނެވޭ ކަމަށެވެ. އަދި އެ ކަންކަމަކީ ދިވެހި ރައްޔިތުން ބަލައިގަންނަ ކަމެއް ނޫން ކަމަށާއި އެ ކަމަށް އިންސާފު ލިބެން ޖެހޭ ކަމަށެވެ.
ރާއްޖޭގެ އެކި ސަރަހައްދުތަމުގައި މީގެ 10 އަހަރު ކުރިން ހުޅު ޖަހައި، ދައުލަތުގެ އިމާރާތްތަކެއް ރޯކޮށްލައި ބޮޑެތި ގެއްލުންތަކެއް ދިން ހާދިސާއަކީ މިހައިތަނަށް ރާއްޖޭގައި ހިނގައިދިޔަ އެންމެ ބޮޑު އެއް ހާދިސާކަމަށް ސަރުކާރުގެ އެކި މެމްބަރުން ސިފަކުރެއެވެ.
އެކި ރަށްރަށުގައި ހުޅު ޖެހުމުގެ ހާދިސާތައް ހިންގީ ފެބްރުއަރީ 7، 2012ގައި އޭރު ވެރިކަމުގައި ހުންނެވި ރައީސް މުހައްމަދު ނަޝީދު އިސްތިއުފާ ދެއްވިކަން އިއުލާންކުރެއްވި ފަހުންނެވެ.
ޢިންަސާފު! ތިޔަބުނާއިންސާފަކީ ހުރިހާ އިމެއް ސާފުވުމޭ.އަނެއް ރާއްޖެއަކީ ރަލާ މަޖާކުރުމުފެ މިނިވަންކަން އޮންނަ ރާްޖެއެކޭ. ޢެކަމަށްޓަކައި އިންސާފު ކުރުމޭ. މާނައަކީ އިމެއަ، ސުމާރެއް ނެތި މަޖާ ޖުރުމޭ. ޢިޓަލީގެ ޕޮމްޕޭ ގެ ރައްޔިތުން އުޅުނު ގޮތްތޯ؟