ރައީސްގެ ސާޖަރީ ނިމިއްޖެ، ހާލުކޮޅު ރަނގަޅު

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙްގެ ތައިރޮއިޑް ސާޖަރީ މިހާރު ނިމިއްޖެ ކަމަށާއި އެ މަނިކުފާނުގެ ހާލުކޮޅު ރަނގަޅު ކަަމަށް ވިދާޅުވެއްޖެއެވެ.

Ads by Hajj Corporation

މީގެ އިރުކޮޅެއް ކުރިން ރައީސް ޞާލިޙް ކުރެއްވި ޓްވީޓެއްގައި ވިދާޅުވީ، އެމަނިކުފާނުގެ ސާޖަރީ މިހާރު ނިމިއްޖެ ކަމަށާއި ހާލުކޮޅު ރަނގަޅު ކަމަށެވެ. އަދި އެމަނިކުފާނަށް ހެޔޮ ދުއާ ކޮށްދެއްވި އެންމެންނަށް ރައީސް ޞާލިޙް ވަނީ ޝުކުރު އަދާ ކުރައްވައިފައެވެ.

Alhamdhulillahi. Surgery is complete. I am presently recuperating and in good spirits. I thank everyone for their kind wishes and prayers.

— Ibrahim Mohamed Solih (@ibusolih) February 25, 2022

ރައީސް ޞާލިޙް ވަނީ، ސާޖަރީ ހަދައި ނިމިގެން ހާލުކޮޅު ރަނގަޅު ވަންދެން ރައީސްކަމުގެ މަސްއޫލިއްޔަތު ނައިބު ރައީސް ފައިސަލް ނަސީމްއާ ވަގުތީ ގޮތުން ހަވާލު ކުރައްވައިފައެވެ. ނައިބު ރައީސް އެ މަސްއޫލިއްޔަތާ ހަވާލުވެވަޑައިގެން ހުވާ ކުރެއްވީ މިއަދު ފަތިހު 5:50ގައެވެ.