Wednesday, 18 November 2026
Advertisement
HDC — Share-Below (leaderboard)
ޚަބަރު

ޑްރަގާ ދެކޮޅަށް ކުރާ މަސައްކަތަށް ކިޔަވައިގެން ތިބި މީހުންގެ އެހީތެރިކަމެއް ނުލިބޭ: މިނިސްޓަރ ނަސީމް

ޑްރަގާ ދެކޮޅަށް ކުރާ މަސައްކަތަށް ކިޔަވައިގެން ތިބި މީހުންގެ އެހީތެރިކަމެއް ނުލިބޭ: މިނިސްޓަރ ނަސީމް

މަސްތުވާތަކެތީގެ ވަބާއިން ރާއްޖެ ސަލާމަތް ކުރުމަށް ސަރުކާރުން ކުރާ މަސައްކަތުގައި، މިކަމާ ގުޅޭ ދާއިރާތަކުން ކިޔަވައިގެން ތިބޭ މީހުންގެ އެހީތެރިކަން ނުލިބޭ ކަމަށް ހެލްތު މިނިސްޓަރު އަހުމަދު ނަސީމް ވިދާޅުވެއްޖެއެވެ.

ޑްރަގް ރިހިބިލިޓޭޝަން ޕްރޮގްރާމް މާފުށި ޖަލުގައި ތައާރަފްކުރުމަށް މިއަދު މެންދުރު ބޭއްވި ރަސްމިއްޔާތުގައި ވާހަކަ ދައްކަވަމުން މިނިސްޓަރ ނަސީމް ވިދާޅުވީ މަސްތުވާތަކެެއްޗާ ދެކޮޅަށް މަސައްކަތް ކުރާއިރު މި ކަމާ ގުޅޭ ދާއިރާތަކުން ތައުލީމް ހާސިލްކޮށްފައިވާ ދިވެހީންގެ އަދަދު ވަރަށް ގިނަ ކަމަށެވެ.

އެގޮތުން ކައުންސިލިންއާއި ސޯޝަލް ސާވިސަސްގެ ދާއިރާ ފާހަގަކުރައްވައި މިނިސްޓަރ ވިދާޅުވީ މި ދާއިރާތަކުން ކިޔަވައިގެން ތިބި އެ ފަދަ ފަރާތްތަކުން ސަރުކާރާ އެކު މަސައްކަތް ނުކުރައްވާ ކަމަށާއި އޭގެ ސަބަބެއް އެނގިވަޑައިނުގަންނަވާ ކަމަށެވެ.

Advertisement
Ooredoo — Truecaller (box)

"އަޅުގަނޑުމެންގެ މުޖުތަމައުއަށް ރަނގަޅު ވަނީ އަޅުގަނޑުމެން މިކަމުގައި އެންމެން ބައިވެރިވެގެން މަސައްކަތް ކޮށްގެން. އަޅުގަނޑު އާދޭހާ އެއްކޮށް މި ދަންނަވަނީ މިކަމުގެ މައުލޫމާތު ލިބިވަޑައިގެން ނޫނީ ޑިގްރީ ހައްދަވައިގެން ތިބި ބޭފުޅުންނާ ހުރިހާ ބޭފުޅުންނަށް އަޅުގަނޑު އިލްތިމާސްކުރަން އަޅުގަނޑުމެންނާ ޖޮއިން ކުރައްވާށޭ،" ނަސީމް ވިދާޅުވިއެވެ.

ގައިދީންނަށް ޑްރަގް ރީހެބްގެ ފަރުވާ ދޭން މިއަދު ފެށި ނަމަވެސް މިނިސްޓަރު ވިދާޅުވީ ރީހެބް ފަރުވާގެ އިތުރުން މުޖުތަމައު ހޭލުންތެރިކުރަން ވެސް ޖެހޭ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.