ތިނަދޫ ހޮސްޕިޓަލުގެ ބޯޑު އެކުލަވައިލައިފި
ޑޮކްޓަރ އަބްދުއްސަމަދު މެމޯރިއަލް ހޮސްޕިޓަލުގެ "ގަވާނިން ބޯޑް" ރައީސް އިބްރާހިމް މުހައްމަދު ޞާލިޙް މިއަދު އެކުލަވައިލައްވައިފިއެވެ.
މި ބޯޑަކީ ތިނަދޫ އަބްދުއްސަމަދު މެމޯރިއަލް ހޮސްޕިޓަލުގެ ހިންގުމުގެ ކަންކަން ލާމަރުކަޒީ އުސޫލުން ބެލެހެއްޓުމަށްޓަކައި އުފައްދަވާފައިވާ ބޯޑެކެވެ.
ރައީސް ޞާލިޙް އެކުލަވައިލި މި ބޯޑުގައި ހިމެނެނީ:
▪︎ ޑރ. ލަވްޝާ މުޙައްމަދު، ކާއިނާތު، ގދ.ތިނަދޫ (ޢާންމުންގެ ތެރެއިން ޢައްޔަންކުރެވޭ މެންބަރެއް)
▪︎ ޑރ. އަބްދުﷲ އުބައިދު، ދަފްތަރު. ނަންބަރު ރސ 6099 (ޑޮކްޓަރ އަބްދުއްސަމަދު މެމޯރިއަލް ހޮސްޕިޓަލްގައި މަސައްކަތް ނުކުރާ ހެލްތް ނުވަތަ މެޑިކަލް ދާއިރާގެ ތަޖުރިބާކާރެއް)
▪︎ ސަރަޙައްދުގެ މާލީ ދާއިރާގެ މެންބަރެއް
▪︎ މަރިޔަމް ނާޒްނީން، ހ. ބަޑިދޫގެ (މިނިސްޓްރީ އޮފް ހެލްތް ތަމްސީލުކުރާ މެންބަރެއް)
▪︎ ޖީޒާ ހަސަން، ނީލުގެ، ގދ. ތިނަދޫ (ސަރަޙައްދުގެ ޕަބްލިކް ހެލްތް ދާއިރާގެ މެންބަރެއް)
▪︎ ސައުދު އަލީ، އަބުހަރީއާގެ، ގދ. ތިނަދޫ (އަތޮޅު ކައުންސިލްގެ މެންބަރެއް)
▪︎ ހޮސްޕިޓަލް ހިންގެވުމާ ހަވާލުވެހުރި އިސްވެރިޔާ
މި ބޯޑުގެ ޗެއަރޕާސަނަކަށް ރައީސް ޞާލިޙް އައްޔަން ކުރެއްވީ ޑރ. ލަވްޝާއެވެ.
