ޓެކްސީ އެޕްތަކާއި ސެންޓަރުތަކުން ހިދުމަތް ދިނުން ހުއްޓައިލައިފި
ތެލުގެ އަގު ބޮޑުވި ނަމަވެސް ދަތުރުކޮށްދޭ އަޑު ބޮޑުކުރަން ހުއްދަ ދީފައި ނުވާތީ އެ ސެންޓަރުތައް ބަންދުކޮށް މޮބައިލް އެޕްލިކޭޝަންތަކުން ވެސް ހިދުމަތް ދިނުން މިރޭ ހުއްޓއިލައިފިއެވެ.
ދުނިޔޭގެ ބާޒާރާއި ރާއްޖޭގައި ވެސް ވިއްކާ ތެލުގެ އަގުބޮޑުވުމުގެ ސަބަބުން ޓެކްސީ ޑްރައިވަރުން ވަނީ ދަތުރުތަކުގެ އަގު ބޮޑުކުރުމަށް ނިންމައި އެ މީހުންގެ ޑިމާންޑްތައް ޓްރާންސްޕޯޓް މިނިސްޓްރީއަށް ހުށަހަޅައިފައެވެ.
އެނގިފައިވާ ގޮތުގައި ޓެކްސީ ޑްރައިވަރުންގެ ޑިމާންޑްތަކަށް މިއަދު ޖަވާބެއް ދޭނެ ކަމަށް މިނިސްޓްރީން ބުނި ނަމަވެސް، މިހައިތަނަށް އެއްވެސް ގޮތެއް ނިންމައިފައެއް ނުވެއެވެ.
ދަތުރުތައް ހުއްޓައިލައި 200 އެއްހައި ޓެކްސީ ޑްރައިވަރުން ހުޅުމާލެ ރުއްގަނޑު ސަރަހައްދަށް އެއްވެ، އިހުތިޖާޖުކުރަން ފެށީ މިއަދުގެ މެންދުރުފަހުގެ ވަގުތެެއްގައެވެ. އެކަމާ ގުޅިގެން ޓެކްސީ ހޯދަން ދަތިވެފައި ވާއިރު، ގިނަ ޓެކްސީ ސެންޓަރުތައް ވެސް މިއަދު ހުރީ ބަންދުކޮށްފައެވެ. އަދި ޓެކްސީ ހޯދަން ބޭނުންކުރާ 'އަވަސް ރައިޑް' އަދި 'ކެބްއެމްވީ' އެޕްލިކޭޝަނުން މިހާރު އެ ހިދުމަތެއް ނުލިބެއެވެ.
މީގެ އިތުރުން މާލެއިން ޓެކްސީ ހޯދުން ވެސް މިރޭ ވަނީ ވަރަށް ދަތިވެފައެވެ.
ތިޔަ ހުއްޓާލެއްވީ، ޤައުމީ ޙިދުމަތް ދިނުން. މާބަނޑު ކަނބަލުންނާއި އެތައް ބަލި މީހެއްގެ އަވަސް ހިދުމަތް.
ހިދުމަތް ދިނުމުގައި އިހްމާލު ވާ ފަރާތްތަކުގެ ލައިސެންސް ބާތިންކޮށް އެ ލައިސެންސް ނުލިބިފަ ކުރަން ބޭނުންވެ ތިބި ފަރާތްތަކަށް މަގު ހުޅުވާލުމަށް ގޮވާލަން.
ނަހުލާގެ މެޑަމްގެ ބަސްތަކައި، ބަގީތަކުގެ ހިދުމަތް ފެށުމައް ގޮވާލަން.
މާދަމާ ބުނާނެ ސްޕެއަރ އޭ.. މަގުތަކޭ.. ޕާކިންޒޯނޭ.. ގަރާޖޭ.. ފްލެޓޭ..
މި ހުރިހާކަމެއްވެސް ވީ ކޮއްދެންތޯ؟