ދުވަސް ނުފުރާ ވިހޭ އެއްމާބަނޑު 2 ކުދިން ނިޔާވެއްޖެ

ގދ. ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލަށް ދުވަސް ނުފުރާ ވިހޭ އެއްމާބަނޑު ދެކުދިން ނިޔާވެއްޖެއެވެ.

ތިނަދޫން “ދެން”އަށް މަޢުލޫމާތު ދިން މީހަކު ބުނީ ފުރަތަމަ ކުއްޖާ ނިޔާވެފައި ވަނީ މިއަދު ހެނދުނު 10:30 ކަންހާއިރު ކަމަށާއި އެ ދެ ކުދިން ވިހެއީ ބަނޑަށް 7 މަހުގައި ކަމަށެވެ.

ވިހެއި ފަހުން ދެވަނަ ކުއްޖާގެ ހާލު ގޯސްވަމުން ދިޔަ ކަމަށާއި އިތުރު ފަރުވާއަށް މިއަދު ހަވީރު އެ ކުއްޖާ މާލެ ފޮނުވަން ނިންމި ކަމަށް ވެސް އޭނާ ބުންޏެވެ.

ދެވަނަ ކުއްޖާ ނިޔާވެފައި ވަނީ ފަރުވާ ހޯދަމުން ދަނިކޮށް މިއަދު ހަވީރު 17:00ހާއިރުއެވެ.

ޑރ. އަބްދުއްސަމަދު މެމޯރިއަލް ހޮސްޕިޓަލުން ބުނީ އަންހެން މީހާގެ ހާލު ރަނގަޅު ކަމަށެވެ.