ކޮވިޑް-19އަށް ފައްސިވުމަށް ފަހު އެތުލީޓުންނަށް ކަސްރަތު ކުރަން އަލުން ފެށޭނެ ގޮތްތަކެއް!
ކޮވިޑް-19އަށް ފައްސިވުމަށް ފަހު އެތުލީޓުންނަށް ކަސްރަތު ކުރަން އަލުން ފެށޭނެ ގޮތްތަކެއް ތައްޔާރުކޮށްފިއެވެ.
ދެ އަހަރު ދުވަހުގެ ދިރާސާއަކަށް ފަހު އެމެރިކަން ކޮލެޖް އޮފް ކާޑިއޮލޮޖީއިން އަންގާރަ ދުވަހު ނެރުނު އުސޫލުތަކުގައި ބުނެފައި ވަނީ ކޮވިޑް-19އަށް ފަހު އެތުލީޓުންގެ މެދުގައި ހިތުގެ އިންފްލެމޭޝަން އުފެދުމުގެ މައްސަލަ ދިމާވެފައިވާ މިންވަރު ހީކުރި ވަރަށް ވުރެ ދަށް ކަމަށެވެ.
ނަމަވެސް އެ މީހުން ލަފާ ދެނީ ވާދަވެރި އެތުލީޓުންނާއި ވީކެންޑް ވޯރިއާސްއަށް އެއްހަމައެއްގައި ރައްކާތެރިކަމާ އެކު އެނބުރި އައުމަށް އެހީތެރިވެދޭނެ ސްޓެޕް ބައި ސްޓެޕް ޕްލޭންއާ އެކު ކުރިޔަށް ދިޔުމަށެވެ.
2020ވަނަ އަހަރުގެ ސެޕްޓެމްބަރު މަހުގެ ތެރޭގައި، އޮހިއޯ ސްޓޭޓް ޔުނިވާސިޓީގެ ދިރާސާކުރާ ފަރާތްތަކުން ވަނީ، ކޮވިޑް-19 އިންފެކްޝަންގެ ސަބަބުން ހާލު ދެރަވި 26 އެތުލީޓެއްގެ ޓެސްޓު ހަދައި ވަރަށް ގާތުން ތަހުލީލުކޮށްފައެވެ. އެ ދިރާސާއިން ދައްކާ ގޮތުގައި މަޔޯކާޑިޓިސް %15 ކުޅުންތެރިންގެ ގައިން ފެނިފައިވެއެވެ. އަދި %30 ކުޅުންތެރިންގެ ހިތުގައި މައްސަލަތަކެއް އުފެދިފައިވެއެވެ.
މިކަމާ ގުޅިގެން ކޮވިޑްގެ ސަބަބުން އެނބުރި ކުޅުމުގެ ތެރެއަށް އަންނަ އެތުލީޓުންގެ ސަލާމަތާއި ރައްކާތެރިކަމާ މެދު އުފެދިފައިވާ ނުތަނަވަސްކަމުގެ އިހުސާސް ވަނީ އުފެދިފައެވެ.
އޭސީސީގެ އައު އުޞޫލުގައި ބުނެފައިވާ ގޮތުގައި ކޮވިޑް-19ގެ އެއްވެސް އަލާމާތެއް ނެތް އެތުލީޓުން އެކަހެރިވުމަށް ފަހު ތިން ދުވަސް ފަހުން ކަސްރަތު ކުރަން އެނބުރި އައުމަކީ ރައްކާތެރި ކަމެކެވެ. އަދި އާދައިގެ އަލާމާތްތައް ހުންނަ މީހުން ވެސް އަލާމާތްތަކަށް ލުއި ލިބުމުން އަލުން ކަސްރަތު ކުރަން އެނބުރި އައުމަކީ ރައްކާތެރި ކަމެކެވެ.
ތަކުރާރުކޮށް ބޮލުގައި ރިއްސުމާއި، މޭގައި ރިއްސައި، ބޯއެނބުރުން ފަދަ ކަންތައްތައް ފެންނަ އެތުލީޓުންނަށް އިތުރު ކާޑިއެކް ޓެސްޓް ހަދަން ޖެހެއެވެ. މަޔޯކާޑިޓިސްއާ ގުޅޭ އަލާމާތްތައް ފެންނަ އެތްލީޓުން ތިނެއް ނުވަތަ ހަ މަސް ވަންދެން ކަސްރަތު ކުރުމުން އެއްކިބާވުމަށް އޭސީސީން ލަފާދެއެވެ.
