ކޮނޑޭ މިސްކިތުގެ މަސައްކަތް ފަށައިފި

ގއ. ކޮނޑޭގައި އަލަށް އިމާރާތް ކުރާ މިސްކިތުގެ މަސައްކަތް މިއަދު ފަށައިފިއެވެ.

Ads by STELCO

މިކަމަށް ޓަކައި މިއަދު ކޮނޑޭގައި ބޭއްވި ރަސްމިއްޔާތެއްގައި އެ މިސްކިތުގެ އަމަލީ މަސައްކަތް ފައްޓަވައިދެއްވީ އިސްލާމިކް މިނިސްޓަރު ޑރ. އަހުމަދު ޒާހިރު އަލީއެވެ.

އިސްލާމިކް މިނިސްޓްރީން މިއަދު މައުލޫމާތު ދެއްވި ގޮތުގައި ކޮނޑޭގައި އަލަށް އަޅައި މި މިސްކިތަކީ 300 މީހުންގެ ޖާގައިގެ މިސްކިތެއް ކަމަށެވެ. ޒަމާނާ އެއްގޮތަށް ފަރުމާ ކޮށްފައިވާ މި މިސްކިތުގައި، އެހެން މިސްކިތްތަކާ ހިލާފަށް ތަނބެއް ނުހުންނަ ގޮތަށެވެ.

އެ މިސްކިތް އަޅަން އަމޭން މޯލްޑިވްސް ޕްރައިވެޓް ލިމިޓެޑާ އެކު އިސްލާމިކް މިނިސްޓްރީން ސޮއިކުރީ މިދިޔަ އަހަރުގެ އޮކްޓޯބަރު މަހުގައެވެ. އެ މަސައްކަތް އަމޭންއާ ހަވާލުކުރީ އެއް އަހަރު ދުވަހުގެ ތެރޭގައި ނިންމާ ގޮތަށެވެ.