އިސްލާހުތަކާ އެކު ލޭންޑް ޔޫސް ޕްލޭން ފޮނުވިން: މާލޭ ސިޓީ ކައުންސިލް
ޕްލޭނިން މިނިސްޓްރީން އެދުނު އިސްލާހުތަކާ އެކު ލޭންޑް ޔޫސް ޕްލޭން މިދިޔަ ހަފްތާގައި ފޮނުވައިފައިވާނެ ކަމަށް މާލޭ ސިޓީ ކައުންސިލުން ވިދާޅުވެއްޖެއެވެެ.
މާލޭ ސިޓީ ކައުންސިލުގެ މީޑިއާ އޮފިޝަލު މަރިޔަމް ޝިއުނާ "ދެން"އަށް މައުލޫމާތު ދެއްވަމުން ވިދާޅުވީ ލޭންޑް ޔޫސް ޕްލޭނާ ގުޅޭ ގޮތުން ޕްލޭނިންގ މިނިސްޓްރީން އެދުނު ހުރިހައި ކަމެއް ހިމަނައި، ގެންނަން ޖެހޭ އިސްލާހުތައް ވެސް ގެނެސް، އެ މިނިސްޓްރީއަށް ފޮނުވީ މިދިޔަ އަންގާރަ ދުވަހު ކަމަށެވެ.
މިކަމާ ގުޅޭގޮތުން ކައުންސިލުގެ ސެކްރަޓަރީ ޖެނެރަލް މުޖުތަބާ ޖަލީލު ސޮއި ކުރައްވައި ޕްލޭނިންގ މިނިސްޓަރު މުހައްމަދު އަސްލަމަށް އެޑްރެސްކޮށް މި މަހުގެ 15ވަނަ ދުވަހު ފޮނުއްވި ސިޓީއެއްގައި ވިދާޅުވެފައި ވަނީ ޕްލޭނިންގ މިނިސްޓްރީން އެދިލައްވައިފައިވާ މާލެ ސިޓީގެ ލޭންޑް ޔޫސް ޕްލޭނަށް ގެންނަން ފެނިލެއްވި ބަދަލުތަކާއި ބައިތައް އިތުރު ކުރުމަށް ފަހު އިސްލާހު ކުރެވިފައިވާ ލޭންޑް ޔޫސް ޕްލޭން އެ ސިޓީއާ އެކު ފޮނުވާ ކަމަށެވެ.
މާލެއާއި ވިލިމާލޭގެ ލޭންޑް ޔޫސް ޕްލޭން ސިޓީ ކައުންސިލުން އެންމެ ފުރަތަމަ ފޮނުވައިފައި ވަނީ މިދިޔަ އަހަރުގެ ޑިިސެމްބަރު މަހުގެ 12ވަނަ ދުވަހުގައެވެ. ނަމަވެސް އޭގައި ބައެއް މައުލޫމާތު ފުރިހަމަ ނުވާ ކަމަށް ބުނެ އެ ބައިތައް ހިމަނައިފައި އަލުން ޕްލޭން ހުށަހެޅުމަށް އެ މަހުގެ 28ގައި މިނިސްޓްރީން އެންގިއެވެ. އެ އެންގުމަށް މިހާރު ތިން މަސް ދުވަސް ވާން ކައިރިވެފައިވާ އިރު، އިތުރު އެއްވެސް ޕްލޭނެއް ސިޓީ ކައުންސިލުގެ ފަރާތުން ލިބިފައި ނުވާ ކަމަށް ޕްލޭނިންގ މިނިސްޓްރީން އިއްޔެ ބުންޏެވެ.
ބިންތައް ވިއްކާ ބަހާހަދަން ތިހުރީ ހާދަ ވަރެކެވެ. ކެމްޕެއިނަށް ކުރި ކަރަދުތައް ފޫބެއްދޭނީ އޭރުންނެވެ. މާލެއިން ދޫކުރި ޕާރކިންސްލޮޓްތަކުންވެސް ހާދަ އެއްޗެއް ލިބުނު ދޯއެވެ.