އަލް ޖަޒީރާއިން ކީ ރަމަޟާން މުބާރިކް އޮތީ އޮޅިފައި
ޤަތަރުގެ ސަރުކާރުން ފަންޑް ކުރާ އަލް ޖަޒީރާއިން ރަމަޟާން މަހާ ދިމާކޮށް އެކި ބަހުރުވަތަކުން ގެނެސްދިން ރަމަޟާން މުބާރިކް މެސެޖް ނުބައިކޮށް އޮތުމުން ފާޑު ކިޔުން އަމާޒުވެއްޖެވެ.
16 ބަހަކުން ރަމަޟާން މުބާރިކް ކިޔާ، އަލް ޖަޒީރާއިން އާއްމުކުރި މި މެސެޖުގައި ތާނައިން ލިޔެފައިވާ ބައި އޮތީ ފިލި އަދި އަކުރުތައް ނުބައިކޮށެވެ. އެ ލިޔުން ކޮޅުގައި ޖެހުމަށް މަސައްކަތް ކޮށްފައިވަނީ "ރޯދަ މަހުގެ ތަހުނިޔާ އަރިސް ކުރަން" މިހެންނެވެ.
މި ޕޯސްޓަށް ގިނަ ބައެއްގެ ފާޑުކިޔުން އަމާޒުވުމާ ގުޅިގެން ޕޯސްޓް ވަނީ ޑިލީޓްކޮށްލައިފައެވެ.
ދުނިޔޭގެ ގިނަ ޤައުމުތަކަށް މިއަދަކީ ރަމަޟާން މަހުގެ ފުރަތަމަ ދުވަހެވެ.
ދުނިޔޭގެ އާބާދީ 7.9 ބިލިޔަނަށް އަރާއިރު އޭގެ 25 އިންސައްތަ މީހުންނަކީ މުސްލިމުންނެވެ. ދުނިޔޭގައި އެންމެ ގިނައިން މުސްލިމުން ދިރިއުޅެމުން އަންނަނީ އިންޑަނޭޝިއާގައެވެ. އެއީ 230 މިލިޔަން މީހުންނެވެ. ދެވަަނައަށް އެންމެ ގިނަ މުސްލިމުން ދިރިއުޅެމުން އަންނަނީ 212 މިލިއަން ދިރިއުޅޭ ޕާކިސްތާންގައެވެ. ތިންވަނައަކީ 200 މިލިއަންގެ ބޮޑު އާބާދީއެއް އޮންނަ އިންޑިއާއެވެ.
ހުރިހާ އަކުރުތަކާ ފިލިތައް އެބަހުއްޓެއްނު…