މީޑިއާ ކައުންސިލުގެ ތިޖޫރީ ފަޅައިލައިފި

މޯލްޑިވްސް މީޑިއާ ކައުންސިލް (އެމްއެމްސީ)ގެ ތިޖޫރީ ފަޅައިލައިފިއެވެ.

Ads by Hajj Corporation

އެ ކައުންސިލްގެ މީޑިއާ އޮފިޝަލަކު އޮންލައިން ނޫހަކަށް މައުލޫމާތު ދެއްވަމުން ވިދާޅުވީ، އެމްއެމްސީގެ ތިޖޫރީ ފަޅައިލި ކަމަށް ބެލެވެނީ ރޭ ދަންވަރުގެ ވަގުތެއްގައި ކަމަށާއި ތިޖޫރީ ފަޅައިލިކަން އެނގުނީ މުވައްޒަފުން މިއަދު ހެނދުނު އޮފީހަށް ދިޔުމުން ކަމަށެވެ.

އެމްއެމްސީން މިހާރު ވަނީ އެ މައްސަލަ ފުލުހުންނަށް ހުށަހަޅައިފައެވެ.

ކައުންސިލުން މައުލޫމާތު ދިން ގޮތުގައި، ތިޖޫރީ ފަޅައިލި އިރު ޕެޓީ ކޭޝްގެ ގޮތުގައި ޚަރަދުކުރުމަށް ބަހައްޓާފައި ހުރި 3،612 ރުފިޔާ ވަނީ ވަގަށް ނަގައިފައެވެ.

ވައްކަން ކުރުމަށް އެމްއެމްސީއަށް މީހަކު ވަން ގޮތެއް އަދި އެ ކައުންސިލުން ހާމައެއް ނުކުރެއެވެ.