ﷲ އަށް ހަމްދުހުރި، އިތުރު 30 މީހަކު ބަލިން ރަނގަޅު ވެއްޖެ

ރާއްޖެއިން ކޮވިޑް-19 އަށް ފައްސިވި މީހުންގެ ތެރެއިން އިތުރު 30 މީހަކު ބަލިން ރަނގަޅު ވެއްޖެއެވެ.

Ads by STELCO

މި 39 މީހުންނާއެކު، ރާއްޖެއިން ބަލިން ރަނގަޅުވި މީހުންގެ ޖުމްލަ އަދަދު ވަނީ 2643 އަށް އަރާފައެވެ.

ހެލްތު ޕްރޮޓެކަޝަން އެޖެންސީ(އެޗްޕީއޭ) އިން ބުނީ މިއަދު އިތުރު 215 މީހުން ފައްސިވި ކަމަށާއި އެ މީހުންގެ ތެރޭގައި ހިމެނެނީ 149 ދިވެހިންނާއި، ބަންގްލަދޭޝްގެ 54 މީހަކާއި، އިންޑިއާގެ ހަތް މީހަކާއި ސްރިލަންކާ ދެ މީހަކާއި ނޭޕާލް ދެ މީހެއްގެ އިތުރުން އިންޑޮނޭޝިއާ މީހެއް ކަމަށެވެ.

މިއަދު ފައްސިވި މީހުންނާއެކު ރާއްޖޭގެ އަދަދު ވަނީ 4164 އަށް އަރާފައެވެ. މީގެތެރެއިން ފަރުވާ ދެމުން އަންނަނީ 1489 މީހުންނަށެވެ.

ރާއްޖެއިން ކޮވިޑް ޖެހިގެން މިހާތަނަށް ނިޔާވެފައި ވަނީ 18 މީހެކެވެ. އޭގެ ތެރޭގައި ހިމެނެނީ 12 ދިވެހީންނާއި، ހަ ބިދޭސީންނެވެ.