އުސޫލާތަކާ ހިލާފު އިތުރު 22 ތަނެއް މިއަދު ބަންދުކޮށްފި
ކޮވިޑް-19އިން ރައްކާތެރިވުމަށް އެކުލަވާލާފައިވާ އުސޫލުތަކާ ޚިލާފަށް ހިންގަމުންދިޔަ އިތުރު 22 ތަނެއް މިއަދު ބަންދުކޮށްފިއެވެ.
ހެލްތް ޕްރޮޓެކްޗަން އެޖެންސީން (އެޗްޕީއޭ) އިން ބުނީ މިންގަނޑުތަކާ އެއްގޮތަށް ޚިދުމަތްދޭތޯ ބެލުމަށް ކުރިއަށްގެންދާ އިންސްޕެކްޝަންގައި މިއަދުވެސް 135 ތަނެއް ބަލާފައިވާކަމަށެވެ.
ފިޔަވަޅު އެޅި ތަންތަނުގެ ތެރޭގައި ހިމެނެނީ ހަތަރު ސެލޫނަކާއި ނުވަ ފިހާރައަކާއި ހަތް ކެފޭ/ރެސްޓޯރެންޓެވެ. މީގެ އިތުރުން 1 މާރުކޭޓާއި ސްޕާއެއްވެސް ބަންދުކޮށްފައިވާކަމަށް އެޗްޕީއޭއިން ބުނެއެވެ.
މިއާއެކު މިހާތަނަށް 140 އަށް ވުރެ ގިނަ ތަންތަން ބަންދުކުރުމަށް ވަނީ އަންގާފައެވެ. އުސޫލުތަކަށް ނުފެތޭ ތަންތަން ބަންދުކުރުމަށްފަހު ކަންކަން އިސްލާޙުކުރުމަށް 24 ގަޑިއިރުގެ ވަގުތެއް ދެއެވެ. އަދި އިސްލާޙުކުރުމަށްފަހު އެޗްޕީއޭގެ ޚާއްސަ ހޮޓްލައިނަށް ގުޅާ އެންގުމުން އަލުން އެތަނެއް އިންސްޕެކްޓކުރުމަށްފަހު އުސޫލާއި އެއްގޮތަށް ހުރިނަމަ އެތަނެއް ހުޅުވުމުގެ ހުއްދަ އެޗްޕީއޭއިން އަންނަނީ ދެމުންނެވެ.
