އިހަވަންދޫ އިތުރު ބޯޓެއްގެ ކެޕްޓަން ވެސް ކޮވިޑަށް ފައްސި ވެއްޖެ
ހއ. އިހަވަންދޫގެ އިތުރު ބޯޓެއްގެ ފަޅުވެރިއަކު ކޮވިޑަށް ފައްސިވެ، އެ ރަށަށް ނުރައްކާ ބޮޑުވެއްޖެއެވެ.
އާމިނާދިޔޯ ސިއްހީ މަރުކަޒާ ހަވާލާދީ ބައެއް މީޑިއާތަކުން ރިޕޯޓު ކޮށްފައިވާ ގޮތުގައި އެރަށު ތަޚްތު ބޯޓުގެ ފަޅުވެރިއަކު ކޮވިޑަށް ފައްސިވެފައިވާކަން އެޗްޕީއޭ އިން މިރޭ އަންގާފައިވާ ކަމަށެވެ. ފައްސިވެފައި ވަނީ އުމުރުން 41 އަހަރުގެ ދިވެހި ފިރިހެނެކެވެ.
އިހަވަންދޫ ކައުންސިލުން ބުނި ގޮތުގައި ތަޚުތު ބޯޓުގެ ކެޕްޓަންގެ ނަތީޖާ ލިބުމާ އެކު އެ ރަށުގެ ހަ ގެއެއް ވަނީ ކަރަންޓީންކޮށްފަ އެވެ.
މިދިޔަ ހަފްތާގައި ވެސް މާލެއިން ހއ. އިހަވަންދުއަށް ދަތުރުކުރި ބޯޓެއް ކަމަށްވާ "242"ގެ، ކޭޝިއަރަކު ވަނީ ކޮވިޑަށް ފައްސިވެފައެވެ. ނަމަވެސް އިހަވަންދޫ ފިޔަވައި އެ ބޯޓު ދަތުރުކޮށްފައި ވަނީ ހދ. ވައިކަރަދުއަށް ކަމަށް ސިއްހީ މަރުކަޒުގެ އޮފިޝަލަކު ވިދާޅުވިއެވެ.
ދެ ބޯޓުން ދަތުރުކުރި މީހުންގެ ތެރެއިން މިހާރު ކަރަންޓީންގައި 15 މީހަކު އެބަތިއްބެވެ.
Ads by STO
