ހުޅުމާލޭގައި މީހަކު ގެނބިގެން ނިޔާވެއްޖެ
ހުޅުމާލޭ ފަޅުގައި އޮތް ދޯންޏެއްގެ މަސައްކަތެއް ކުރުމަށް މޫދަށް ފޭބި މީހަކު ނިޔާވެއްޖެއެވެ.
މިހިތާމަވެރި ހާދިސާގައި ނިޔާވެފައިވަނީ ކ. ތުލުސްދޫ ބީޗުވިލާ، ރިމާޒް އަބްދުލް މުހުސިން (27އ.) އެވެ.
ފުލުހުންގެ މީޑިއާ އޮފިޝަލަކު ވިދާޅުވީ މިއަދު މެންދުރު ހުޅުމާލޭ ފަޅުގައި އޮތް ދޯންޏެއްގެ މަސައްކަތެއް ކުރުމަށް މޫދަށް އެރި އުޅުނު މީހަކު އަކުނި ވަޔަށް ދަމައިގަނެ ހާލު ދެރަވެގެން ހުޅުމާލޭ ހޮސްޕިޓަލަށް ގެންގޮސްފައިވާ ކަމަށް ރިޕޯޓު ކޮށްފައިވާ ކަމަށެވެ. އަދި އޭނާ ނިޔާވެފައިވާ ކަމަށް މައުލޫމާތު ލިބޭކަމަށް ވެސް ފުލުހުން ވިދާޅުވެފައިވެއެވެ.
ރިމާޒް ނިޔާވުމުން ކޮވިޑް-19 އަށް ޓެސްޓު ކުރިއިރު އޭނާ އެބައްޔަށް ވެސް ފައްސި ކަމަށް ބައެއް މީޑިއާތަކުން ބުނެފައިވެއެވެ.
މާތް ﷲ މަރްހޫމްގެ ފާފަ ފުއްސަވާ ސުވަރުގޭގެ މަތިވެރި ނިއުމަތް ދެއްވާށި އާމީން. އަދި މިފަދަ ހިތްދަތި ވަގުތެއްގައި އާއިލާއަށް ކެތްތެރިކަން ދެއްވާށި. އާމީން
إِنَّا لِلّهِ وَإِنَّـا إِلَيْهِرَاجِعُون
