މަސްދޯންޏަކުން ކަނޑަށް ވެއްޓުނު މީހަކަށް މިޔަރެއް ހަމަލާދީފި

މަސްދޯންޏަކުން ކަނޑަށް ވެއްޓުނު މީހަކަށް މިޔަރެއް ހަމަލާދީފިއެވެ.

އެމްއެންޑީއެފުން ބުނީ ޅ. އަތޮޅު މާފިލާފުއްޓާ ދިމާލު ބޭރުން މަސްވެރިކަން ކުރަމުން ދިޔަ ދޯންޏަކުން މީހަކު ކަނޑަށް ވެއްޓުނު ވަގުތު އެ މީހާއަށް މިޔަރެއް ހަމަލާ ދިނުމުން އެކަން އެ ދޯނިން ކޯސްޓްގާޑަށް އަންގައިފައިވާ ކަމަށެވެ.

އަދި އެމްއެންޑީއެފް ނޮދަން އޭރިޔާ ކޯސްޓްގާޑް ސްކޮޑްރަންއިން ޅ. އަތޮޅު ހޮސްޕިޓަލްގެ ޓީމަކާ އެކު މިހާރު ދަނީ އެ ދޯނި ކައިރިއަށް ދަތުރުކުރަމުން ކަމަށާއި އެމީހާގެ ހާލު ސީރިއަސް ނޫން ކަމަށް ދޯނީގެ ކެޕްޓަން މައުލޫމާތު ދީފައިވާ ކަމަށް އެމްއެންޑީއެފުން ބުންޏެވެ.