ފަހަތުން އަރައި ލިވަޕޫލް މޮޅުވެ، ލީގު ހޯދުމުގެ ރޭސް ފަހު މެޗުތަކަށް!
ރޭ އިނގިރޭސި ޕްރިމިއަރ ލީގުގައި ލިވަރޕޫލްއާއި ސައުތްހެމްޕްޓަން ބައްދަލުކުރި މެޗު ލިވަޕޫލް ކާމިޔާބުކޮށް، ލީގަށް ކުރަމުން އައި އުއްމީދު ދަމަހައްޓައިފިއެވެ.
ސައުތްހެމްޕްޓަންގެ ދަނޑުގައި ކުޅުނު މި މެޗު ފަހަތުން އަރައި ލިވަޕޫލްއިން ކާމިޔާބު ކުރީ، 1-2 އިންނެވެ. މި މެޗުގެ 13ވަނަ މިނެޓުގައި ސައުތްހެމްޕަންޓްގެ ލަނޑު ޖަހައިދިނީ ނެތަން ރެޑްމަންޑްއެވެ.
ލިވަރޕޫލްގެ ފުރަތަމަ ލަނޑު މެޗުގެ 27ވަނަ މިނެޓުގައި މިނަމީނޯ ކާމިޔާބުކޮށްދިން އިރު 2ވަނަ ލަނޑު މެޗުގެ 67ވަނަ މިނެޓުގައި ކާމިޔާބުކޮށްދިނީ މަޓިޕްއެވެ.
ރޭގެ ނަތީޖާއާ އެކު ލިވާޕޫލުން ވަނީ ލީގު ތާވަލްގެ އެއްވަނައިގައި އޮތް މެންޗެސްޓަރ ސިޓީއާ 1 ޕޮއިންޓާ ގާތަށް ޖެހިލައިފައެވެ. ލީގުގައި ބާކީ ކޮންމެ ޓީމަކަށް 1 މެޗު އޮތް އިރު ލީގު ކަށަވަރުވާނީ އެ މެޗުތަކުގެ ނަތީޖާއިންނެވެ.
22 މެއިވާ އާދިއްތަ ދުވަހުގެ ރޭ ކުޅޭ ލީގުގެ ފަހު މެޗުގައި މެންޗެސްޓަރ ސިޓީން ބައްދަލުކުރާނީ ލިވަރޕޫލްގެ ލެޖެންޑް ޖެރާޑު ކޯޗުކަން ކޮށްދޭ އެސްޓަންވިލާއާއެވެ. ލިވާޕޫލުން އެ ރޭ ނިކުންނާނީ ވޯލްވްސްއާ ދެކޮޅަށެވެ.
Ads by STO
