ވިނަރެސް ފްލެޓުން ވަކި އަދަދެއް ކަނޑައަޅަނީ މާލޭގައި އުޅޭ ގިނަ ދުވަސްވީ އަތޮޅުތެރޭގެ ރައްޔިތުންނަށް
ހުޅުމާލޭ ފޭސް 2ގައި ރައީސް ޔާމީންގެ ސަރުކާރުން ހަދަން ފެއްޓި ވިނަރެސް ފްލެޓުތަކުގެ ތެރެއިން ވަކި އަދަދެއް، މާލޭގައި އުޅޭ އަތޮޅުތެރޭގެ ގިނަ ދުވަސްވީ ރައްޔިތުންނަށް ކަނޑައަޅުއްވާނެކަމަށް ހައުސިން މިނިސްޓަރު މުޙައްމަދު އަސްލަމް ވިދާޅުވެއްޖެއެވެ.
އަސްލަމް މިހެން ވިދާޅުވީ، މިއަދު ރައްޔިތުންގެ މަޖިލީހުގެ ޖަލްސާގައި އިހަވަންދޫ ދާއިރާގެ މެމްބަރު ކުރެއްވި ސުވާލުތަކަކަށް ޖަވާބު ދެއްވަމުންނެވެ. މިނިސްޓަރުގެ އަރިހުން މެމްބަރު ޝިފާޢު އެއްސެވީ، ސަރުކާރުން މާލޭ ސަރަހައްދުގައި އެޅުމަށް ހަމަޖެހިފައިވާ ފްލެޓްތަކުގެ ތެރެއިން އަތޮޅުތެރެއިން މާލެ އައިސްފައިވާ، ރަށުގައި ބޯހިޔާވަހިކަން ނެތް އަދި މާލޭން ވެސް ގޮތެއް ނުފެނިފައި ތިބި މީހުންނަށް މާލެއިން ފްލެޓް ހޯދުމުގައި ހުރި ފުރުސަތުތަކަކީ ކޮބައިކަން ވިދާޅުވެދެއްވުމަށެވެ.
ޖަވާބުގައި މިނިސްޓަރު އަސްލަމް ވިދާޅުވީ، ވިނަރެސް ފްލެޓުތައް ނިމުމާ އެކު އެ ފުރުސަތު ލިބިގެންދާނެ ކަމަށާއި އެ ފްލެޓުތަކުން ކޮންމެ ވެސް ވަރެއް އެފަދަ ފަރާތްތަކަށް ކަނޑައަޅުއްވާނެ ކަމަށެވެ. ނަމަވެސް ސީދާ ކަނޑައަޅުއްވާނެ އަދަދެއް ވިދާޅެއް ނުވެއެވެ. މިނިސްޓަރު ވިދާޅުވީ، ވިނަރެސް ފްލެޓުތަކުގެ ތެރެއިން ބޮޑު ބައެއް ހާއްސަ ކުރެވޭނި މާލޭގެ ރައްޔިތުންނަށް ކަމަށެވެ.
ހުޅުމާލެ ފޭސް ދޭއްގައި އިމާރާތް ކުރަމުންދާ ވިނަރެސް ފްލެޓްތައް، އެ ތަން އިމާރާތްކުރާ ފަރާތުން އަންނަ ޖުލައި މަހުގެ ތެރޭގައި އެޗްޑީސީއާ ހަވާލުކުރާނެ ކަމަށް ވެސް މިނިސްޓަރު ވިދާޅުވިއެވެ.
ފުރަތަމަ ބުނީ ހިޔާ ފުލެޓް ދޫކޮއްލާމީހުންނަށޭ.. ބަޔަކު ދޫވެސްކޮއްލި ވާނުވާ އިގުނު އިރު ކުއްޔަށް އަރާ 17ހާހުން މަތި، ހިފާނެ ބަޔަކު ނުވެގެން ދެންކީ މާލޭ މީހުންނަށޭ.. މިހާރު މާލޭގަ އުޅޭ ރާއްޖެތެރޭ މީހުންވެސް ނަގާކަށް ބޭނުމެއް ނުވި… މާދަން ބުނާނެ ރާއްޖޭގަ ވަކިދުވަހެއް ވަންދެން އުޅޭފާތިބި ބޭރުމީހުންނަށްވެސް ކުރިމަތި ލެވޭނޭ.. ކަލޯ އިބުރާހީމޫ އިންތިހާބަށް ކެނޑި ފޮނިތަށް ކޮބާތަ؟ ހަތަރު އަހަރުވީ ކޮބާތަ ދޭން ބުނި ތިންކޮޓަރި 5000ރ އަށް؟ 2023 ގަ ވޯޓުދޭނަމޭ ސަޅިކޮން
ޙަހަހަހަހަ ރަގަޅަށް ތިޔާ ބުނީ
އަސްލަމްގެ ގަމަަރުކަމާއެ ‘ ހުންނާނީ ނިކަން މާލޭވެފަ
ހިޔާލީ ފޮލާ… ހަމަ ތިވެސްދޭނީ ކަލޭމެން ފަހަތުން ދުވާ މުއްސަނދި.. މީހުނަށް.
ޙަމަ ވަކިބަޔަކަށް ދޭންވެގެން ކިޔާ އެއްޗެހި
މިހާރު އޮންނާނީ ލިސްޓްވެސް ހަދާ ނިމިފައި
ދެފަހަރު އެކައްޗެއް ކިޔާ ބައެއް ނޫންމީ
ދޮގުހެދުން ނޫންކަމެއްކުރަންއެގޭތަ.
އަނެއް ބުހުތާނު! ތި ތަންތަނުން ދޭނީ މާލޭ މީހުންނަށޭ ބުނީވެސް ތި އަސްލަމެއްނު! ކިޔޭނުކިޔޭ އެބަ އެނގޭތަ. މާދަމާ ބުނާތި ވިނަރެސް ފްލެޓޭވެސް ތިމަންނަ ނުކިޔަމޭ.