ކޮޗިންއަށް ދާ ދިވެހިންގެ މުނިފޫހިފިލުވުމުގެ ބައިވެރިޔާ ‘’ ބްލެކް ގޯލްޑް’’ ކެފޭ

(ކޮޗިން، އިންޑިއާ) ބޭސްފަރުވާގެ އެކި ކަންކަމުގައި އެކި މުއްދަތުތަކަށް ދިވެހިން އެންމެ ގިނައިން ދާ ގައުމަކީ އަވަށްޓެރި އިންޑިއާއެވެ. އިންޑިއާގެ ކެރެލާގެ ކޮޗިންއަކީ މިހާރު ބޭސްފަރުވާއަށް ދިވެހިން އެންމެ ގިނައިން ޒިޔާރަތް ކުރާ އަވަށެވެ.

އަމްރިތާ ހޮސްޕިޓަލް، އެސްޓާ މެޑިސިޓީ، ރާޖަގިރި ހޮސްޕިޓަލް އަދި ލޭކްޝޯ ހޮސްޕިޓަލުން އާސަންދަ ލިބޭއިރު އާސަންދައާ ނުލާ އެންމެ ގިނަ ދިވެހިން ދާ އަވަށަކީ ވެސް ކޮޗިންއެވެ.

ބޭސްފަރުވާގެ ކަންކަން ގާތްގަނޑަކަށް ކޮންމެ ދުވަހަކު ވެސް ހަވީރު 5 ޖެހުމުން ނިންމައިލައިފައި ގޮސް ހޮޓަލުގައި ގިނަ ވަގުތުތައް ހޭދަކުރާ ދިވެހިން، ޚާއްސަކޮށް ޒުވާނުންގެ އެންމެ ބޮޑު ކަންބޮޑުވުމަކީ ކޮފީ ތައްޓެއް ބޯލަން ހަމަޖެހިލައިގެން ޖައްސައިލާނެ ދިވެހިންނާއި ގުޅޭ ކެފޭއެއް ކައިރި ހިސާބެއްގައި ވެސް ނެތުމެވެ.

ނަމަވެސް މިހާރު އެކަން ވަނީ ބަދަލުވެފައެވެ. ކޮޗިންގެ އަމްރިތާ ހޮސްޕިޓަލާއި މާ ދުރުނޫން ހިސާބެއްގައި ހުޅުވައިފައިވާ “ބްލެކްގޯލްޑް” ކެފޭއަކީ ދިވެހިންނާ ގުޅޭ ދިވެހިންނަށް ޚާއްސަކޮށް ފަރުމާކޮށް ހިންގަމުންދާ ކެފޭއެކެވެ. ހައިލަކް އިން ކައިރީގައި ހުންނަ މި ކެފޭއަކީ މިހާރު ކޮޗިންއަށް ދާ ގިނަ ދިވެހިންގެ ގާތް އެކުވެރި ކެފޭއެކެވެ.

ކޮފީއަށް ޚާއްސަ، އަދި ތަފާތު މެނޫއެއް

ކަޅު ކޮފީ އަދި ކިރުކޮފީ މެޝިނުން ގިރައި، ޚިދުމަތް ދޭއިރު، އެކްސްޕްރެސޯ، ޑަބަލް އެކްސްޕްރެސޯ ލިބެއެވެ. މީގެ އިތުރުން ފްރްޝް ޖޫސް، މޮޖީޓޯ، މިލްކްޝޭކް ލިބެން ހުރެއެވެ. ވަގުތުން ތައްޔާރުކޮށްލެވޭ ގިނަ ކާއެއްޗެހި ލިބެން ހުރެއެވެ.

އެގޮތުން ބާރގާ، ޕިއްޒާ، ކުލަބު ސޭންޑްވިޗް، ރޯލްސް،ގެ އިތުރުން ބްރޯސްޓެޑް ޗިކަންއާއި ރައިސް ނޫޑްލްސްގެ ބާވަތްތައް ލިބެން ހުރެއެވެ.

ދުންފަތުގެ އިސްތިއުމާލު ކުރުމަށް ވަކިން ޚާއްސަ ތަނެއް މި ކެފޭގައި ވަނީ ކަނޑައަޅައިފައެވެ.

ހުސްވަގުތުގައި ބިލިއާޑް ކުޅެންވީ، އަގު ވެސް ހެޔޮ!

ކެފޭގެ އެންމެ ޚާއްސަކަމަކީ ކެފޭގައި ހުންނަ އެކި ސައިޒުގެ ބިލިއާޑް ބޯޑްތަކެވެ. ގަޑިއަކަށް 200 ރުޕީސްއިން ފެށިގެން ކުދި ބޯޑު ލިބޭ އިރު މިހާރު ވެސް ކެފޭގައި އެންމެ ފޯރިއާއެކު ހިނގާ ހަރަކާތަކީ ވެސް ބިލިއާޑް ކުޅުމެވެ.

ކަރޯކޭ ނައިޓް، އަދި ޕްރައިވެޓް ޕާޓީ

ކެފޭގައި ކަރޯކޭ ޖެއްސުމަށް ޚާއްސަ ސިސްޓަމެއް ހުރެއެވެ. ވަކިން ކަރޯކޭ ޖައްސަން ބޭނުން ނަމަ އެ ފުރުސަތު ވެސް އޮވެއެވެ. އަދި އުފަން ދުވަސް ފާހަގަ ކުރުމާއި ޕްރައިވެޓް ޕާޓީތަކަށް ޚާއްސަކޮށް ކެފޭގެ ވަކި ތަނެއް ކުއްޔަށް ދޫކުރެއެވެ.

ފުޓްބޯޅަ ބެލުމަށް ފޯރިހު ންނަ މީހުންނަށް އެ ފުރުސަތު ވެސް އޮވެއެވެ. ފޯރިގަދަ މެޗްތައް ސްކްރީންގައި އަޅުވައެވެ.

ކޮންމެއަކަސް ޑޮކްޓަރަށް ދައްކާ ވަގުތު ނިންމައިލުމަށް ފަހު ހަމަޖެހިލައިގެން ހިތްފަސޭހަ މާހައުލެއްގައި ކޮފީއެއް ބޯލާ މީރު ކާއެއްޗެއް ހެޔޮ އަގުގައި ހޯދަން ބޭނުންވާ ފަރާތްތަކަށް ބްލެކްގޯލްޑް ކެފޭއަކީ މުހިންމު ކެފޭއެކެވެ. މިހާރު ވެސް ގިނަ ދިވެހިންގެ މުނިފޫހި ފިލުވުމުގެ ބައިވެރިޔަކީ ބްލެކްގޯލްޑް ކެފޭއެވެ.