މިދިޔަ ހަފްތާގައި ކޮވިޑް-19 ޖެހުނީ 91 މީހަކަށް

ނިމިދިޔަ ހަފްތާގައި ރާއްޖޭގައި ކޮވިޑް-19އަށް ފައްސިވީ 91 މީހުން ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައިފިއެވެ.

Ads by Hajj Corporation

ކޮންމެ ހަފްތާއަކު ވެސް އެޗްޕީއޭއިން އާންމުކުރާ ތަފާސް ހިސާބުތަކުގެ ތެރެއިން، މިއަދު އާންމުކުރި ރިޕޯޓުގައި ބުނެފައި ވަނީ މާލެ ސަރަހައްދުން ކޮވިޑް-19އަށް ފައްސި ވެފައިވަނީ 40 މީހުން ކަމަށާއި އަތޮޅުތެރެއިން 24 މީހަކު މިބައްޔަށް ފައްސިވެފައިވާ ކަމަށެވެ. އަދި އެހެނިހެން ސަރަހައްދުުތަކުން ފައްސިވެފައި ވަނީ 27 މީހުންނެވެ.

ކޮވިޑް-19އަށް އިތުރަށް ފައްސި މިވީ 91 މީހުންނާ އެކީ މިހާރު މުޅިއަކު 179،753 މީހުން މި ބައްޔަށް ރާއްޖެއިން ފައްސިވެފައިވެއެވެ. އަދި މިބަލީގައި ޖުމްލަ 299 މީހަކު ރާއްޖެއިން ނިޔާވެފައިވާ ކަމަށް ވެސް އެޗްޕީއޭގެ ރިޕޯޓުތަކުން ދައްކައެވެ.