ހުޅަނގުން ފަންޑުކުރަނީ ޒުވާނުން ދީނާ ދުރުކުރަން: ޑރ.ޝަހީމް
ހަރުކަށި ފިކުރު ނައްތައިލާން ކަމަށް ބުނެ ހުޅަނގުގެ ބައެއް ޖަމާއަތްތަކުން ފަންޑުކުރަނީ މުސްލިމު ޒުވާނުން ދީނާ ދުރުކުރަން ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޑޜ.ޝަހީމް މިހެން ވިދާޅުވީ ހުޅުނގުގެ ބައެއް ޤައުމުތަކުގެ އިސްލާމީ ޤައުމުތަކުގައި ހަރުކަށި ފިކުރު ނައްތައިލާންކަމަށް ބުނެ ހިންގަމުންދާ ތަފާތު ޕްރޮގުރާމުތަކަށް އިޝާރާތްކުރައްވައެވެ.
ހަރުކަށި ފިކުރު ނައްތައިލާން ކަމަށް ބުނެ ހުޅަނގުގެ ބައެއް ޖަމާޢަތްތަކުން ފަންޑުކުރަނީ މުސްލިމު ޒުވާނުން ދީނާ ދުރުކުރަން. އިސްލާމީ މުޖުތަމަޢުގައި ހަރުކަށި ފިކުރު ނައްތައިލާން ހުޅަނގުގެ ނަޒަރިއްޔާތަކެއް ބޭނުމެއް ނޫން. ހަރުކަށި ފިކުރު ނައްތައިލުމުގައި ތަބާވާންވީ އިސްލާމީ މަންހަޖަށް.
ޑރ.ޝަހީމް ވިދާޅުވިއެވެ.
ޑރ.ޝަހީމް އިތުރަށް ވިދާޅުވީ އިސްލާމީ މުޖުތަމައުގައި ހަރުކަށި ފިކުރު ނައްތައިލުމަށް ޓަކައި، ހުޅަނގުގެ ޤައުމުތަކުގެ ނަޒަރިއްޔާތަށް ބޭނުން ނުވާ ކަމަށެވެ. ހަރުކަށި ފިކުރު ނައްތައިލުމުގައި އިސްލާމީ މަންހަޖުގެ ތެރެއިން ކަންކަން ހައްލު ކުރުމަކީ އެންމެ ރަނގަޅު ގޮތްކަމަށް ޝަހީމް ވިދާޅުވިއެވެ.
މީގެ އިތުރުން ޝަހީމް ވިދާޅުވީ، ރާއްޖޭގައި މިހައިތަނަށް ދިމާވި އެންމެ ބޮޑެތި އެ ފަދަ މައްސަލަތައް ހައްލުކުރީ އިސްލާމީ މަންހަޖުގެ ތެރެއިން ކަމަށެވެ. އޭގެ ތެރޭގައި ހިމަންދުއާއި މާލޭގައި ވަކިން ޖަމާޢަތް ހަދައިގެން އެތައް އަހަރެއް ވަންދެން ދިޔަ ކަންކަން ނިމުމަކަށް ގެނެވުނު ކަމަށް ޝަހީމް ފާހަގަ ކުރެއްވިއެވެ.
ދެން އަމިއްލައައް ފަންޑު ކުރަންވީއެއްނޫންތޯ
މުސްލިމް މުއްސަދި މަހުޖަނުން ފަޤީރު މުސްލިމް ޤައުމުތަކުގައި އުޅޭ މީހުނަށް އެހީވާނަމަ ފަޤީރު މުސްލިމުން އެކިއެކި ދިމަދިމާކަށް ދާކަށެއްވެސް ނުޖެހުނީސް !