އިތުރު ސިވިލް ސާވެންޓުން ތަމްރީންވާން އިންޑިއާއަށް!

ދިވެހި ސިވިލް ސާވިސް މުވައްޒަފުންގެ ހުނަރާއި ޤާބިލްކަން އިތުރުކުރުމުގެ ގޮތުން ސާވިސް ކޮމިޝަނުން ކުރަމުންދާ މަސައްކަތުގެ ތެރެއިން 2019ވަނަ އަހަރު ނޭޝަނަލް ސެންޓަރ ފޯ ގުޑް ގަވަރނަންސް (އެން.ސީ.ޖީ.ޖީ)އާ އެކު ސޮއިކުރެވުނު އެމްއޯޔޫގެ ދަށުން އިތުރު ބެޗެއް ތަމްރީންވާން މިމަހު 20ގައި އިންޑިއާއަށް ފުރުމަށް ހަމަޖެހިއްޖެއެވެ.

އިންޑިއާ ސަރުކާރުގެ ހިލޭ އެހީގައި ކުރިއަށް ގެންދާ "ކެޕޭސިޓީ ބިލްޑިންގ ޕްރޮގްރާމް އިން ދަ ފީލްޑް އޮފް އެޑްމިނިސްޓްރޭޝަން" ޕްރޮގްރާމްގައި ބައިވެރިވުމަށް، ދިވެހި ސިވިލް ސާވިސްގެ އެކި އިދާރާތަކުގައި މަސައްކަތްކުރާ މުވައްޒިފުން މިއީ އިންޑިއާއަށްދާ 38 ވަނަ ބެޗެވެ. މި އެމްއޯޔޫގައި ސޮއި ކުރެވުނު ފަހުން އިންޑިއާއިން 400އަށް ވުރެ ގިނަ ސިވިލް ސާވެންޓުން ވަނީ ތަމްރީންވެފައެވެ.

<img class="alignnone wp-image-155126 size-full" src="https://cdn.dhen.mv/wp-content/uploads/2022/06/photo_2022-06-17-16.19.27.jpeg" alt="" width="789" height="640" />

20 ޖޫންއިން 1 ޖުލައިއަށް ކުރިޔަށް ގެންދާ މި ޕްރޮގްރާމްގައި ބައިވެރިވުމަށް އެކި އަތޮޅުތަކާއި މިނިސްޓްރީތަކުގެ ސިވިލް ސާވަންޓުން ވަނީ ބައިވެރިވެފައެވެ.

މި ޕްރޮގްރާމްގައި ސިވިލް ސާވަންޓުންނަށް އީ-ގަވަރނަންސް މެކޭނިޒަމްތަކާއި، ލީޑަޝިޕް ޕެރެޑައިމްތަކާއި، އިންޑިއާގައި ޑިމޮކްރެޓިކް މިނިވަން މުއައްސަސާތައް ހިންގާ ގޮތްތަކާ ގުޅޭ ގޮތުން މައުލޫމާތު ފޯރުކޮށްދީ، ތަމްރީން ކުރެވޭނެއެވެ.