Tuesday, 17 November 2026
Advertisement
MWSC — SmartMeter (leaderboard)
ޚަބަރު

ދިޔައީ ފަތިސް ނަމާދުކޮށްގެން ކަސްރަތު ކުރަން، ހަމަނުޖެހުން ހިންގީ ސިޔާސީ ބޭނުމަކަށް: މަޙްލޫފް

ދިޔައީ ފަތިސް ނަމާދުކޮށްގެން ކަސްރަތު ކުރަން، ހަމަނުޖެހުން ހިންގީ ސިޔާސީ ބޭނުމަކަށް: މަޙްލޫފް

ދުނިޔޭގައި ފާހަގަ ކުރާ ޔޯގާ ދުވަސް ފާހަގަކުރުމަށް މިއަދު ގަލޮޅު ދަނޑުގައި ބޭއްވި ހަރަކާތަށް ހުރަސްއެޅުމަށް ހިންގި ހަމަނުޖެހުމަކީ ދީނީ ކަމެއް ނޫން ކަމަށާއި އެއީ ސިޔާސީ މަޤްސަދެއް ހާސިލްކުރަން ކުރި ކަމެއް ކަމަށް ޔޫތް މިނިސްޓަރު އަޙްމަދު މަޙްލޫފް ވިދާޅުވެއްޖެއެވެ.

މިއަދު ހެނދުނު ގަލޮޅު ދަނޑުގައި އެ ހަރަކާތް ކުރިޔަށް ދަނިކޮށް، ބަޔަކު ދަނޑަށް ވަދެގަނެ، ހަމަނުޖެހުން ވަނީ ހިންގައިފައެވެ.

މިކަމާ ގުޅިގެން "ރާއްޖެޓީވީ"އަށް މަޙްލޫފް ވިދާޅުވީ، އެތަނަށް ވަދެގަތް މީހުން އައިސް މީހުންގެ ގައިގައި ކޮޅުފައިން ޖަހައި ފެންފުޅިން ވެސް ހަމަލާދީފައިވާ ކަމަށެވެ. އަދި މިގޮތަށް ހަމަލާދިނުމުގައި ޑިޕްލޮމެޓުންނާއި، ހަރު އުމުރުފުރައިގެ މީހުންނަށް ވެސް ނުބަލާކަމަށް ވިދާޅުވިއެވެ. މީގެ އިތުރުން ތަނުގައި ހުރި އަގުބޮޑު ތަކެއްޗަށް ހަމަލާދިން ކަމަށާއި ރާއްޖޭގެ ދިދަ ވެސް ދަނޑިން އުފުރައި ބިންމައްޗަށް ވައްޓާލި ކަމަށް ވިދާޅުވިއެވެ.

Advertisement
HDC — Sidebar (box)

"މީ ވަރަށް ދެރަކޮށް، ވަރަށް ގޯސްކޮށް ކުރި ކަމެއް ކަމެއް. މިތަނަށް އައިސް މީހުންނަށް ހަމަލާދީ، އަގުބޮޑު މުދަލަށް ހަމަލާދީ. އެއްވެސް ހާލެއްގައި މިތަނުގައި މި ހިންގީ ދީނީ ކަމެއް ނޫން. އަޅުގަނޑުމެން ވެސް މިއައީ ފަތިސް ނަމާދުކޮށްގެން ކަސްރަތެއް ކުރަން" މަޙްލޫފް ވިދާޅުވީ، މިއަދުގެ ހަރަކާތައް ހުރަސް އަޅައިފައިވަނީ ދީނާ ޚިލާފު ކަމެއް ކުރާތީއެއް ނޫން ކަމަށެވެ.

މަޙްލޫފް ވިދާޅުވީ، ރާއްޖޭގައި އަބަދުވެސް ކުރާ ޔޯގާ ހަރަކާތްތައް ހިންގާ ކަމަށާއި އެތައް ކްލާސްތަކެއް ހިންގާ ކަމަށެވެ. އަދި ކުއްލިއަކަށް މިއަދު މިކަން ގޯސްވުމުން މިއީ ސިޔާސީ ކަމެއްކަން އެނގޭ ކަމަށް ވިދާޅުވިއެވެ.

މަޙްލޫފް ވިދާޅުވީ، މިއަދުގެ ހަރަކާތަށް 150އެއްހައި މީހުން ބައިވެރިވި ކަމަށާއި އެތަނަށް އެ މީހުން ދިޔައީ އަޅުކަމެއް ކުރަން ނޫން ކަމަށެވެ. އަދި ޔޯގާއަކީ ކަސްރަތެއް ކަމަށާއި މިއަދުގެ ހަރަކާތް ފެށީ ވެސް ޤުރުއާނުގެ ބަރަކާތުން ކަމަށް މަޙްލޫފް ފާހަގަ ކުރެއްވިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.