ދިވެހި ރުފިޔާގެ ބަދަލުގައި ނިޝާނެއް ކަނޑައަޅައި، އެ ނިޝާން މިއަދު ދައްކައިލަނީ

ދިވެހި ރުފިޔާގެ ނިޝާނަކަށް މިހާތަނަށް ބޭނުންކުރަމުން އައީ "ރ"އާއި އިނގިރޭސި ބަހުން ލިޔާއިރު MVR ލިޔުން ނިމުމަކަށް ގެނެސް ދިވެހި ރުފިޔާގެ ނިޝާނެއް ކަނޑައަޅާ، އެ ނިޝާން މިއަދު ދައްކައިލާން ނިންމައިފިއެވެ.

އެކި ގައުމުތަކުގައި، އެ ގައުމެއްގެ ފައިސާއަށް ހާއްސަކޮށް ނިޝާންތައް ބޭނުންކުރި ނަމަވެސް ރާއްޖޭގައި މިއީ މިފަދަ ނިޝާނެއް ބޭނުން ކުރާ ފުރަތަމަ ފަހަރެކެވެ.

އަލަށް ހަދާ، ދިވެހި ފައިސާ ރަމްޒުކޮށްދޭ ނިޝާނެއް ކަނޑައެޅީ އެކަމަށް ހާއްސަކޮށްގެން މަރުކަޒީ ބޭންކުން ބޭއްވި މުބާރާތަކުންނެވެ. މި އަހަރު ކުރީކޮޅު ހުޅުވައިލި މި މުބާރާތަށް ގިނަ ފަރުމާތަކެއް ވަނީ ލިބިފައެވެ.

މިއަދު މެންދުރު ފަހު 1:45ގައި އެމްއެމްއޭގައި މިއަދު ބާއްވާ ހަފްލާއެއްގެ ތެރެއިން ދިވެހި ނިޝާން ދައްކައިލާނެއެވެ.