ޖީއެސްޓީ 8 ޕަސެންޓަށް، ޓީޖީއެސްޓީ 16 ޕަސެންޓަށް ބޮޑު ކުރަން މަޝްވަރާކޮށްފި

އާންމުންނަށް ވިއްކާ އަސާސީ މުދަލުން ނަގާ ޓެކްސް، ޖީއެސްޓީއާއި ޓޫރިސްޓުން އަތުން ނަގާ ޓެކްސް، ޓީ-ޖީއެސްޓީ ބޮޑު ކުރަން ސަރުކާރުން ކަމާ ގުޅޭ ފަރާތްތަކާ އެކު މަޝްވަރާ ފަށައިފިއެވެ.

ޓީޖީއެސްޓީ ބޮޑުކުރުމަށް ސަރުކާރުން މިދިޔަ ހަފްތާގެ ތެރޭގައި ވަނީ ޓޫރިޒަމް ދާއިރާގައި ހަރަކާތްތެރިވާ މަޓީއާއި މަޓާޓޯ ފަދަ ޖަމިއްޔާތަކާ އެކު މަޝްވަރާކޮށްފައެވެ.

ސަރުކާރުން ހުށަހެޅީ އަންނަ އަހަރުގެ އެއްވަނަ ދުވަހުން ފެށިގެން ޖީއެސްޓީ ހަ ޕަސެންޓުން އަށް ޕަސެންޓަށް އަދި ޖީއެސްޓީ 12 ޕަސެންޓުން 16 ޕަސެންޓަށް ބޮޑުކުރަން ކަމަށް މައުލޫމާތު ލިބެއެވެ.

ޖީއެސްޓީއާއި ޓީ-ޖީއެސްޓީ ބޮޑުކުރަން މިހާރު ކުރިއަށް ގެންދާ މަޝްވަރާތަކާ ބެހޭ ގޮތުން ސަރުކާރުން އަދި ވަކި އެއްޗެކޭ ވިދާޅެއް ނުވެއެވެ.