އީދު ނިމޭއިރަށް ތަކެތީގެ އަގު އިތުރަށް ބޮޑުވާނެ: ސައީދު

އަޟްޙާ އީދު ނިމޭ އިރަށް ތަކެތީގެ އަގު އިތުރަށް ބޮޑުވެދާނެ ކަމަށް، ކުރީގެ އިކޮނިމިކް މިނިސްޓަރު، މާވަށު ދާއިރާގެ މެންބަރު މުޙައްމަދު ސައީދު ވިދާޅުވެއްޖެއެވެ.

ސަރުކާރުން ގެންގުޅޭ އިގުތިސާދީ ސިޔާސަތަށް ފާޑު ވިދާޅުވަމުން ސައީދު ވިދާޅުވީ ރައީސް ޞާލިޙްގެ ސަރުކާރުން ގެންގުޅޭ ސިޔާސަތަކީ ފައިސާ ޗާޕްކުރުން ކަމަށާއި އެެކަމަކު މިއީ އެކަން ކޮށްގެން ހިފެހެއްޓޭނެ ހާލަތެއް ނޫން ކަމަށެވެ. އަދި މިގޮތަށް ކަންތައް ކުރައްވައިފި ނަމަ ރާއްޖެ ދެވަނަ ލަންކާއަކަށް ވެދާނެ ކަމަށް ސައީދު ވިދާޅުވިއެވެ.

"ޢީދު ޗުއްޓީ ނިމޭއިރު ތަކެތީގެ އަގު އިތުރަށް ގޯސް" ސައީދު ވިދާޅުވިއެވެ.

މިހާރު ރާއްޖެއަށް އޮތް ހާލަތުގެ ސަބަބުން ތަކެތީގެ ކުރިއަށް އޮތް ދުވަސްތަކުގައި އިތުރަށް ބޮޑުވާނެ ކަމަށް ފިނޭންސް މިނިސްޓަރު އިބްރާހީމް އަމީރު މިދިޔަ ހަފުތާގައި ވިދާޅުވެފައިވެއެވެ.