ކުޑަގިރި ހުޅުވުން ފަސްކޮށްފި
މާލެ ސަރަހައްދުގައި ދިރިއުޅޭ ރައްޔިތުން ޕިކްނިކް ދިއުމަށް ތަރައްޤީކުރަމުން އަންނަ ކ.ކުޑަގިރި ހުޅުވުން ފަސްކޮށްފިއެވެ.
ކުޑަގިރި ތަރައްޤީ ކުރަން އެމްޓީސީސީއާ ހަވާލުކުރީ މިދިޔަ ސެޕްޓެމްބަރުގައެވެ. ސަރުކާރުން ކުރިން ނިންމާފައި އޮތީ މި އަހަރުގެ މިނިވަން ދުވަހާ ދިމާކޮށް އެ ރަށް ރަސްމީކޮށް ހުޅުވުމަށެވެ.
ނަމަވެސް ޕްލޭނިންގ މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން މިއަދު ވިދާޅުވީ ކުޑަގިރީގައި އަދިވެސް ފުރިހަމަކުރަންޖެހޭ ކަންތައްތަކެއް އެބަހުރި ކަމަށާއި މިހާރު ކުރިއަށްދަނީ ގަސް ހެއްދުމުގެ މަަސައްކަތް ކަމަށެވެ.
އެހެންވެ އެ ރަށް ހުޅުވުން މުއްދަތެއް ނެތް ގޮތަށް ފަސްކޮށްފައިވާ ކަމަށެވެ. އަދި ހުޅުވާ ތާރީޚު ހާމަކުރާނީ މަސައްކަތްތައް އެއްކޮށް ނިމުމުން ކަމަށް އޭނާ ވިދާޅުވިއެވެ.
މާލެ ސަރަހައްދުގެ ރައްޔިތުން ޕިކްނިކް ދާނެ ރަށެއް ތަރައްްޤީކުރުމަކީ މި ސަރުކާރުގެ ވަޢުދުތަކުގެ ތެރޭގައި ހިމެނޭ ކަމެކެވެ.
ބޮދުގިރި ހައްޔަރުގަ ހުއްޓާ ކުޑަގިރި ނުހުޅުވޭނެ.
2023
ހުޅުވަންފަސްކުރީގޮއްޅަބޭބުނެގެންކަމަވެސްވެދާނެ
އެތަނުންއެތްބައިދޭގޮތަށްވެސްވެދާނު