ޖަމްޢިއްޔަތުއްސަލަފަކީ ސިޔާސީ ޕާޓީއެއް: މަހްލޫފް
ޖަމްޢިއްޔަތުއްސަލަފަކީ ސިޔާސީ ޕާޓީއެއްކަމަށް ޔޫތު މިނިސްޓަރު އަޙްމަދު މަހްލޫފް މިއަދު ވިދާޅުވެއްޖެއެވެ.
ޔޯގާގެ މައްސަލައިގައި ދީނީ ޢިލްމުވެރިންނާއި ސިޔާސީ ލީޑަރުން ޚިޔާލުތަފާތުވެފައިވާއިރު, ކުރީގެ އިސްލާމިކް މިނިސްޓަރު ޑރ.އަޙްމަދު ޒިޔާދު ބާޤިރު ވަނީ ބުދު ދީނުގެ ފާދިރީންނަށް ވުރެ ބައެއް ދިވެހިންގެ ހާލު ދެރަކަމަށް ވިދާޅުވެ ބަޔާނެއް ޢާންމު ކުރައްވައިފައެވެ.
އެއަށް ރައްދު ދެއްވަމުން މަހްލޫފް ވަނީ ރައީސް ޔާމިން ޢަބްދުލްޤައްޔޫމުގެ ވެރިކަމުގައި ޔޯގާ ޑޭ ފާހަގަކުރާ މަންޒަރު ފެންނަ ވީޑިއޯއެއް ޓުވިޓާގައި ހިއްސާ ކުރައްވައިފައެވެ.
ވިދާޅުވީ ދީނުގެ ފާދިރީންނަށް ވުރެ ބައެއް ދިވެހިންގެ ހާލު ދެރަކަމަށް މި ވިދާޅުވަނީ 2015 - 2018 އަށް ސަރުކާރު ބައިވެރިވެގެން ޔޯގާ ދުވަސް ފާހަގަކުރަމުން ދިޔައިރު ހުންނެވި އިސްލާމިކް މިނިސްޓަރު ކަމަށެވެ.
މީގެ އިތުރުން ވިދާޅުވީ ޕީޕީއެމްއާއި, ޢަދާލަތު އަދި ސަލަފަކީ ވެސް ސިޔާސީ ޕާޓީތަކެއް ކަމަށާއި ދައްކާނީ ސިޔާސީ ވާހަކަ ކަމަށެވެ.
