16 މީހުންނާއެކު ދަތުރުކުރަމުންދިޔަ ބޯޓެއް ފަރަށް އަރައިފި

16 މީހުންނާއެކު ދަތުރުކުރަމުންދިޔަ ބޯޓެއް ފަރަށް އަރައިފިއެވެ.

Ads by STELCO

އެމްއެންޑީއެފުން ބުނީ ‏ރޭ މެންދަމުން އަލިވެ 03:00 ހާއިރު ފަރަށް އަރާފައިވަނީ މާލެއިން އައްޑޫއަށް ދަތުރުކުރަމުންދިޔަ "ނިއުލައިން" ކިޔާ މުދާ އުފުލާ ބޯޓެއް ކަމަށެވެ.

އެމްއެންޑީއެފުން ބުނީ ބޯޓު ފަަރަށް އެރިކަމުގެ މަޢުލޫމާތު ކޯސްޓްގާޑަށް ލިބުނީ ރޭ ފަތިހު 3:25 ހާއިރު ކަމަށެވެ.

''ލ.މާމެންދޫގެ އުތުރު ފަރަށް އެރި "ނިއުލައިން" ކިޔާ މުދާ އުފުލާ ބޯޓެއްގައި ހުރި މުދާ ލ.މާމެންދޫއަށް ބޭލުމުގައި އެމްއެންޑީއެފް ސެންޓްރަލް އޭރިއާ ކޮމާންޑުގެ ސިފައިން ދަނީ ހަރަކާތްތެރިވަމުން.''

އެ ބޯޓު ފަރަށް އެރިއިރު އޭގައި 16 މީހުން ތިއްބެވެ. އެ މީހުންގެ ހާލު ރަނގަޅުކަމަށް އެމްއެންޑީއެފުން މަޢުލޫމާތުދެއެވެ.