ރާއްޖޭން ވަގަށް މަސްވެރިކަން ކުރި ބޭރުގެ 2 ބޯޓު ހިފަހައްޓައިފި

ގަވައިދާ ހިލާފަށް ރާއްޖޭގެ ކަނޑުގެ ސަރަހައްދުގައި މަސްވެރިކަން ކުރަމުންދިޔަ ބޭރުގެ ދެ ބޯޓެއް އަތުލައިގެންފިއެވެ.

Ads by MWSC

އެމްއެންޑީއެފްއިން ބުނެފައިވަނީ މި ދެބޯޓު އަތުލައިގަނެފައިވަނީ އެމްއެންޑީއެފް ކޯސްޓްގާޑު ޝިޕް ހުރަވީ ކުރަމުންދިޔަ ޕެޓްރޯލެއްގެ ތެރެއިން މިއަދުގެ ހެނދުނުގެ ވަގުތެއްގައި ކަމަށެވެ.

މި ދެ ބޯޓު އަތުލައިގަތީ ދިވެހިރާއްޖޭގެ ހާއްސަ އިޤްތިސާދީ ކަނޑުގެ ސަރަޙައްދުގައި ޤަވާއިދާ ހިލާފަށް މަސްވެރިކަން ކުރަމުންދިޔަ ކަމަށް ޝައްކުކުރެވިގެން ކަމަށްވެސް އެމްއެންޑީއެފްއިން މައުލޫމާތު ދީފައިވެއެވެ.

އެހެންނަމަވެސް މި ދެބޯޓަކީ ކޮން ގައުމަކަށް ނިސްބަތްވާ ބޯޓުތަކެއް ކަމެއް، އަދި އޭގައި ތިބި މީހުންގެ އަދަދެއްވެސް އެމްއެންޑީއެފްއިން އަދި ހާމަކޮށްފައެއްނުވެއެވެ.