ބަރުލަމާނީ ނިޒާމަށް ފައްޔާޒުގެ ތާއީދު ވަރަށް ބޭނުން: ރައީސް ނަޝީދު
ވެރިކަމުގެ ނިޒާމު ބަރުލަމާނީ ނިޒާމަށް ބަދަލު ކުރުމަށް ކުރާ މަސައްކަތުގައި އެމްޑީޕީގެ ޗެއާޕާސަން އަދި އިކޮނޮމިކް މިނިސްޓަރު ފައްޔާޒް އިސްމާއިލްގެ ތާއީދު ބޭނުންވާކަމަށް އެމްޑީޕީގެ ރައީސް, މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިއަދު އެމްޑީޕީ އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ރައީސް ނަޝީދު ވަނީ ބަރުލަމާނީ ނިޒާމު ގެނައުމަށް ގާނޫނުއަސާސީ އަށް ހުށަހަޅުއްވަން ބޭނުންފުޅުވާ އިސްލާހުތައް އާއްމުކުރައްވައިފައެވެ.
އެގޮތުން ރައީސް ނަޝީދު ވިދާޅުވީ މިހާރު ވެރިކަމަށް އައުމަށް ކޯލިޝަން ހަދަންޖެހޭ ކަމަށާއި، އަދި އެގޮތަށް ދިމާވުމުން ވަޒީރުންގެ މަޖިލީހުގެ ބޮޑު ބައެއް ކުދި ޕާޓީތަކަށް ލިބިގެންދާކަމަށެވެ. އެހެންނަމަވެސް ރައްޔިތުންގެ މަޖިލީހުގެ އިންތިހާބުގައި، މި ދެންނެވި ކުދި ޕާޓީތަކަށް ގޮނޑި ލިބޭ މިންވަރު މަދުކަމަށާއި، އެގޮތަށް ދިމާވުމުން ވެރިކަމުގެ އޮނިގަނޑު ހަރާބުވާ ކަމަށެވެ. އަދި މިހާރު ނިކުންނަ ވެރިކަމުގެ އޮނިގަނޑުގެ މައްސަލަ ހައްލު ކުރުމަކީ ކޮންމެހެން ކުރަންޖެހޭ ކަމެއް ކަމަށް ވިދާޅުވިއެވެ.
ބަރުލަމާނީ ނިޒާމު ގެނައުމަށް ނަޝީދު ކުރައްވާ މަސައްކަތްޕުޅާ، ފައްޔާޒުއާ ގުޅުވައި ނޫސްވެރިއަކު ކުރި ސުވާލަކާ ގުޅިގެން ވިދާޅުވީ، ފައްޔާޒްގެ ތާއީދު ވަރަށް ބޮޑަށް ބޭނުންފުޅުވާ ކަމަށެވެ. އަދި މިކަމުގައި އެންމެންގެވެސް ތާއީދު ބޭނުންވާ ކަމަށް ވިދާޅުވިއެވެ. ރައީސް ނަޝީދު ވިދާޅުވީ ފައްޔާޒަކީ ކަންކަން ކުރައްވާ ހިންގުންތެރި ބޭފުޅެއް ކަމަށާއި، ފައްޔާޒާއެކު މަސައްކަތް ކުރުމަށް ބޭނުންވާކަމަށެވެ.
"އަޅުގަނޑު މިދަންނަވާހެން އަޅުގަނޑު ހުރިހާ ބޭފުޅުންނާވެސް ވާހަކަ ދައްކަމުން ގެންދަން ބޭނުން. އަދި ހާއްސަކޮށް ފައްޔާޒް އިސްމާއިލް. އަޅުގަނޑު ތަކުރާރު އެބަކުރަން، ފައްޔާޒްއަކީ ކަންތައްތައް ކުރައްވާ ބޭފުޅެއް، އަދި ހިންގުންތެރި ބޭފުޅެއް. އެހެންމަ އެބޭފުޅާއާއެކު މަސައްކަތް ކުރުމަށް އަޅުގަނޑު އެދޭނެ." ރައީސް ނަޝީދު ވިދާޅުވިއެވެ.
1968 ގެ ނޮވެމްބަރު 11 ގެ ކުރިން ރާއްޖޭގަ އޮތީ ބަރުލަމނީ ނިޒާމް.ބަރުލަމާނީ ނިޒާމުގަ 20 އަހަރު އިބްރާހީމް ނާސިރު ބޮޑުވަޒީރުކަން ކުރެއްވި.ގައުމަށް ތަރައްގި ނައުމާއި ރަސްގެފާނާއި ބޮޑުވަޒީރުގެ އާއިލާ އެކަނި މުއްސަނދިވާތީ 1968 ނޮވެމްރަު 11 އިން ފެށިގެން ރިޔާސީ ނިޒާމަކަށް ބަދަލު ކުރެވުނީ ރައްޔިތުންގެ ވޯޓުން ފާސްވެގެން.1973 ވަނަ އަހަރު ސެމީ ރިޔާސީ ނިޒާމެއް ތައާރަފް ކުރެވުނު އެއީރިޔާސީ ނިޒާމް ގަ ބޮޑުވަޒީރަކު ސަރުކާރު ހިންގާގޮތަށް އެގޮތުން ރައީސް ނސިރު ބޮޑުވަޒީރު އަހުމަދު ޒަކީ .މިގޮތަށް ދުވަސްކޮޅަކު ހިންގާފަ ކަމުނުގޮސްގެން ބޮޑުވަޒީރުގެ މަގާމް އުވާލީ.މިހާރު މިގައުމަށް މި އައި ހުރިހާ ކުރިއެރުމެއް އައީ ރިޔާސީ ނިޒާމްގެތެރޭން. މިހާރު ގައުމަށް ލިބޭ އާމްދަނީ ގާނޫނުއަސަސީއައި ހިލާފަށް ހަރަދު ކުރަމުންދާތީ ގައުމު ދަރަނިވެރ ވެގެން މިއުޅެނީ . މިކަން ފެއްޓީ ނަސީދު. 3 އަހަރުގެ ވެރިކަން ނިންމާލީ ގައުމުގެ ދަރަނި 28.5 ބިލިއަނަށް އަރުވާފަ.ރަށުގެރައްޔިތުންނާއި އަތޮޅުރައްޔިތުން ގެ އެކައުންޓް ތަކަޢި ބިދޭސީންގެ ޑިޕޮޒިޓް އިން ގާތްތަނޑަކަށް 20 ބިލިއަން ރުފިޔާ ވެސް އޭނަ ބޭނުންވާ ބަޔަކަށް ބަހާ ހުސްކޮށްލި. ބަރުލަމާނީގެތެރޭން ރަސްރަސްކަލުންނާއި ބޮޑުވަޒީރުންގެ އާއިލާގެ އިތުރުން މުއްސަނދިވީ ކެރަފާސައްތާރުއާއި ސިއްކަ. މިކަލޭގެ މިއުލެނީ ދަވްލަތުގެ އަމްދަނީ އޭނަގެ މުށަށް ނުލެވިގެން.