Tuesday, 17 November 2026
Advertisement
MWSC — SmartMeter (leaderboard)
ޚަބަރު

އދ. ގެ ރިޔާސަތުގައި ޝާހިދުގެ ދައުރު ހަމަވެއްޖެ, ވީ ކަމެއް ނެތް!

އދ. ގެ ރިޔާސަތުގައި ޝާހިދުގެ ދައުރު ހަމަވެއްޖެ, ވީ ކަމެއް ނެތް!

އެކުވެރި ދަޢުލަތުގެ (އދ) 76 ވަނަ ޢާންމު މަޖިލީހުގެ ރައީސް, ރާއްޖޭގެ ފޮރިން މިނިސްޓަރު ޢަބްދުﷲ ޝާހިދުގެ ދައުރު މިއަދު ހަމަވެއްޖެއެވެ.

އދ. ގެ ޢާންމު މަޖިލީހުގެ ރައީސްކަމުގެ މަޤާމުގެ މުއްދަތަކީ 1 އަހަރެވެ.

އދ. ގެ މެންބަރު ޤައުމުތަކުގެ ގޮތުގައި ހިމެނޭ 193 ޤައުމުގެ މެދުގައި މިދިޔަ އަހަރުގެ ޖޫންމަހުގެ 07 ގައި ނެގި ސިއްރު ވޯޓުގައި، އދ. ގެ 76 ވަނަ ޢާންމު މަޖިލީހުގެ ރައީސްކަމަށް ޝާހިދު އިންތިޚާބުވެވަޑައިގަތީ 143 ޤައުމެއްގެ ތާއީދާއެކުގައެވެ.

Advertisement
Allied — Dhen Online (box)

ޝާހިދާއި ވާދަކުރެއްވި އަފްޣާނިސްތާނުގެ ކުރީގެ ފޮރިން މިނިސްޓަރު ޑރ.ރަލްމާލައި ރަސޫލް އަށް ލިބިވަޑައިގަތީ 48 ވޯޓެވެ.

އދ. ގެ ރައީސްކަމުގައި ޝާހިދު ފުރަތަމަ ރިޔާސަތު ބެލެހެއްޓެވީ 2021 ސެޕްޓެމްބަރު 14 ގައެވެ.

ދިވެހި ސަރުކާރުން ޝާހިދު އެ މަޤާމަށް ހޮވަން ކުރި ކެމްޕެއިނަށް ދައުލަތުގެ ބަޖެޓުން 4.3 މިލިއަން ރުފިޔާ ކަނޑައެޅިއެވެ.

ޝާހިދަށް އެ މަޤާމު ލިބިވަޑައިގަތުމުން ރައީސް އިބްރާހިމް މުޙައްމަދު ޞާލިޙް އޭރު ވިދާޅުވީ މިފަދަ މަޤާމެއް ރާއްޖެއަށް ލިބިގެން ދިއުމަކީ އެހެނިހެން ޤައުމުތަކުން ރާއްޖެއާމެދު ދެކެމުންއައި ގޮތް ބަދަލުވެ, ރާއްޖެއަށް އޮތް އިތުބާރު ބޮޑުވެފައިވާކަމުގެ ހެއްކެއް ކަމަށެވެ.

މަޤާމާ ހަވާލުވެވަޑައިގެން ޝާހިދު ވެސް ވިދާޅުވެފައިވަނީ ރާއްޖެ އދ. ގެ ރިޔާސަތުގައި ހޭދަކުރާ މުއްދަތުގައި ރާއްޖެއަށް ވަރަށް ގިނަ ފުރުސަތުތައް ލިބި, ވަރަށް ބޮޑަށް ދުނިޔޭގެ ޤައުމުތަކުގެ ސަމާލުކަން ލިބޭނެ ކަމަށެވެ.

ނަމަވެސް ޝާހިދުގެ ދައުރުހަމަވިއިރު ވެސް ރާއްޖެއަށް އެއްވެސްކަމެއް ވެފައިނުވާކަމަށް ސިޔާސީ ފަރާތްތަކުން ބުނެއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.