ފިއްލަދޫ ބޯޓަކުން ތިން މީހަކު ފައްސިވެއްޖެ

ހއ. ފިއްލަދުއާއި މާލެ އާއި ދެމެދު ދަތުރުކުރާ ބީއެމްއެމްއޭ އެކްސްޕްރެސް ބޯޓުން ތިން މީހަކު ކޮވިޑް-19 އަށް ފައްސިވެއްޖެއެވެ.

Ads by STELCO

އެޗްޕީއޭއިން މިރޭ ބުނީ ހއ. ފިއްލަދޫ ބީއެމްއެމްއޭ އެކްޕްރެސް ބޯޓުން ދަތުރުކުރި އިތުރު ތިން މީހަކު ކޮވިޑަށް ފައްސިވެފައިވާ ކަމަށާއި އެއީ ދިވެއްސަކާއި ދެ ބިދޭސީން ކަމަށެވެ.

މި މީހުންނަކީ ސަވާރީ ބޯޓުން ބަޔަކު ފައްސިވުމާ ގުޅިގެން ކުރިއަށް ގެންދިޔަ ކޮންޓްރެކްޓް ޓްރޭސިންގެ ތެރެއިން ފާހަގަ ކުރެވުނު ބައެއް ކަމަށް އެޗްޕީއޭއިން ބުންޏެވެ.

މީގެއިތުރުން ހދ. ނައިވާދޫ ހޯމް ކަރަންޓީނުގައި ހުރި އުމުރުން 68 އަހަރުގެ ދިވެހި ފިރިހެނަކު ވެސް ވަނީ ކޮވިޑް19 އަށް ފައްސިވެފައެވެ.