މާންދޫން މަހުގެ އަގުދަށްކޮށް, މަސްކިރާވަރު ލިމިޓްކޮށްފި
މާންދޫ ފިޝަރީޒް ކޮމްޕްލެކްސްއިން މަހުގެ އަގު ދަށްކޮށް, މަސް ކިރާވަރު ލިމިޓްކޮށްފިއެވެ.
ހޮރައިޒޯން ފިޝަރީޒްގެ ދަށުން ހިންގަމުން އަންނަ މާންދޫ ފިޝަރީޒް ކޮމްޕްލެކްސްއިން މިއަދު ބުނީ މަސްކިރުން ކޮންޓްރޯލް ކުރަން ނިންމީ މި ދުވަސްވަރު މަސްވެރިކަން ރަނގަޅު ދުވަސްވަރަކަށްވާތީ ގިނަ ދޯނިފަހަރަށް މަސްކިރުވުމަށް ފުުރުސަތުދިނުމަށް ކަމަށެވެ. އެކަމަކު މަސް ލިބޭ ނިސްބަތުން ދުވަހުން ދުވަހަށް މި އަދަދު ބަދަލުވުމަކީ އެކަށީގެންވާ ކަމެއް ކަމަށެވެ.
ލިމިޓާ އެއްގޮތަށް ދަށްކުރި އަގުތަކުގައި މަސްކިރާނީ މާދަމާއިން ފެށިގެންނެވެ. ދޯންޏަކަށް 12 ޓަނު މަހެވެ.
މާދަމާއިން ފެށިގެން މަސް ގަންނާނެ އަގުތައް:
1.5 ކިލޯއިން މަތީގެ ފިނިކުރި މަސް: ކިލޯއެއް 15.50 ރ.
1.5 ކިލޯއިން ދަށުގެ ފިނިކުރި މަސް: ކިލޯއެއް 7.50 ރ.
1.5 ކިލޯއިން މަތީގެ ފިނިނުކުރާ މަސް: ކިލޯއެއް 13.50 ރ.
1.5 ކިލޯއިން ދަށުގެ ފިނިނުކުރާ މަސް: ކިލޯއެއް 5.50 ރ.
ކުރީގެ އަގުތައް:
1.5 ކިލޯއިން މަތީގެ ފިނިކުރި މަސް: ކިލޯއެއް 17 ރ.
1.5 ކިލޯއިން ދަށުގެ ފިނިކުރި މަސް: ކިލޯއެއް 9 ރ.
1.5 ކިލޯއިން މަތީގެ ފިނިނުކުރާ މަސް: ކިލޯއެއް 15 ރ.
1.5 ކިލޯއިން ދަށުގެ ފިނިނުކުރާ މަސް: ކިލޯއެއް 6 ރ.
Ads by STO
