ކޮވިޑުގައި ކުރި ތަޖުރިބާއިން ޓޫރިޒަމްގައި އެއް މާކެޓަށް ބަރޯސާނުވާން ވިސްނަންޖެހޭ
ކޮވިޑުގައި ކުރި ތަޖުރިބާއިން ޓޫރިޒަމްގައި އެއް މާކެޓަށް ބަރޯސާވުމުގެ ބަދަލުގައި ތަފާތު މާކެޓުތަކަށް ބަރޯސާވާން ވިސްނަންޖެހޭ ކަމަށް ޓޫރިޒަމް މިނިސްޓަރު ޑރ.ޢަބްދުﷲ މަޢުޞޫމް ވިދާޅުވެއްޖެއެވެ.
މިނިސްޓަރު މިހެން ވިދާޅުވީ އިއްޔެ ފާހަގަކުރި ބައިނަލްއަޤްވާމީ ފަތުުރުވެރިކަމުގެ ދުވަހުގައި ދެއްވި މެސެޖެއްގައެވެ.
ކޮވިޑުގެ ބަލިމަޑުކަމަށްފަހު ދުނިޔޭގެ ފަތުރުވެރިކަން ކުރިއަރަމުން އަންނައިރު ކޮވިޑުން ލިބުނު އިބުރަތުން ވަރަށް ގިނަ ކަންތައްތަކެއް ތަފާތު ގޮތަކަަށް ކުރުމަށް މިއަދު ވިސްނަން ޖެހިފައިވާ ކަމަށެވެ.
އެ ގޮތުން ޓޫރިޒަމްގައި އެއް މާކެޓަކަށް ބަރޯސާވުމުގެ ބަދަލުގައި ތަފާތު މާކެޓުތަކަށް ބަރޯސާވުމަށް ވިސްނަންޖެހޭކަމަށް މިނިސްޓަރު ވިދާޅުވިއެވެ.
މީގެއިތުރުން މިނިސްޓަރު ވިދާޅުވީ ޓޫރިޒަމަކީ އެކަމުގައި ޝާމިލްވާ އެންމެން އެއްބާރުލައިގެން މަސައްކަތް ކޮށްގެން ކުރިއެރުވޭނެ އެއްޗެއްކަން ވިސްނަންޖެހޭ ކަމަށެވެ. އަދި ދެމެހެއްޓެނިވި ފަތުރުވެރިކަން ތަރައްޤީކުރުމަށް އިތުރަށް މަސައްކަތް ކުރަންޖެހޭ ކަމަށް ވެސް މިނިސްޓަރު ވިދާޅުވިއެވެ.
