Tuesday, 17 November 2026
Advertisement
Ooredoo — Airfibre (leaderboard)
ޝަރުޢީ ދާއިރާ

އަލަމްގިރިއަށް އުފުލި 40 ދަޢުވާއަށް ތިން އަހަރު ދުވަހުގެ ޖަލު ޙުކުމެއް އިއްވައިފި

އަލަމްގިރިއަށް އުފުލި 40 ދަޢުވާއަށް ތިން އަހަރު ދުވަހުގެ ޖަލު ޙުކުމެއް އިއްވައިފި

ގިނަ އަދަދެއްގެ ދިވެހިންނާއެކު އެއް ޖިންސުން ޖިންސީ ގުޅުން ހިންގި ބަނގްލަދޭޝް ޒުވާނެއް ކަމަށްވާ އެމްޑީ އަލަމްގީރް (އަލަމްގިރި) ގެ މައްޗަށް އުފުލި 40 ދަޢުވާ ސާބިތުވާކަމަށް ކަނޑައަޅައި ތިން އަހަރު ދުވަހުގެ ޖަލު ޙުކުމެއް އިއްވައިފިއެވެ.

އަލަމްގިރިގެ މައްޗަށް އޮރިޔާން ކާޑު ހެދުމުގެ ކުށުގެ 40 ދަޢުވާ އުފުލީ މާލޭގެ އެޕާޓްމަންޓެއްގައި ގިނަ ބަޔަކާއެކު އެއް ޖިންސުން ޖިންސީ ގުޅުން ހިންގައި އެ މަންޒަރުތައް ސިއްރުން ރެކޯޑްކުރި މައްސަލައިގައެވެ.

ޤާނޫނުލްޢުޤޫބާތުގެ ދަށުން އުުފުލި އެ ދަޢުވާތަކަށް އަލަމްގިރި އިޢުތިރާފުވިއެވެ.

Advertisement
Ooredoo — Square (box)

ކްރިމިނަލް ކޯޓުގެ ވެބްސައިޓުގައި ބުނެފައިވާ ގޮތުން އޭނާގެ މައްޗަށް ކުރާ ކޮންމެ ދަޢުވާއަކަށް އިއްވީ 27 ދުވަހުގެ ޖަލު ޙުކުމެއް ކަމަށެވެ. އެ ގޮތުން ކޮންމެ ދަޢުވާއަކަށް 27 ދުވަހުގެ މަގުން އޭނާގެ މައްޗަށް އައިސްފައިވަނީ ޖުމްލަ 1080 ދުވަހުގެ ޖަލު ޙުކުމެކެވެ. އެއީ ތިން އަހަރެވެ.

މީގެކުރިން އަލަމްގިރިގެ މައްޗަށް އުފުލި އެއް ޖިންސުން ޖިންސީ ގުޅުން ހިންގުމުގެ ކުށުގެ ތިން ދަޢުވާއަށް ވެސް އޭނާ ވަނީ އިޢުތިރާފުވެފައެވެ. އެ ގޮތުން އޭނާގެ މައްޗަށް އައީ ހަތް މަހާއި, ހަ ދުވަހުގެ ޖަލު ޙުކުމެކެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.