ނަޑެއްލާ ކަރިން ޕާކިސްތާނު 10 މީހުންނާއެކު ދަތުރުކުރަމުންދިޔަ ބޯޓެއް ފަރަށް އަރައިފި

ގދ. ނަޑެއްލާ ކަރިން ޕާކިސްތާނު 10 މީހުންނާއެކު ދަތުރުކުރަމުން ދިޔަ ބޯޓެއް ފަރަށް އަރައިގެން ފުލުހުންނާއި އެމްއެންޑީއެފް ހަރަކާތްތެރިވާން ފަށައިފިއެވެ.

ފުލުހުން ވިދާޅުވީ ނަޑެއްލާ ކައިރިން ބޯޓެއް ފަރަށް އަރައިގެން އުޅޭ ކަމުގެ މަޢުލޫމާތު އިއްޔެ 18:21ގައި ރިޕޯޓްކޮށްފައިވާ ކަމަށެވެ.

އެ ބޯޓުގައި ތިބީ ޕާކިސްތާނު 10 މީހުން ކަމަށާއި އެމީހުން މިވަގުތު ތިބީ ނަޑެއްލާގައި ކަމަށް ފުލުހުން ވިދާޅުވިއެވެ.

ފުލުހުން ވިދާޅުވީ އެންމެންގެ ހާލުވެސް ރަނގަޅު ކަމަށާއި ބޯޓު ފަރަށް އެރި ސަރަހައްދުގައި ފުލުހުންނާއި އެމްއެންޑީއެފުން ހަރަކާތްތެރިވަމުންދާ ކަމަށެވެ.