ބަނގުރާ ކެއްކި މައްސަލާގައި ބިދޭސީއަކު ހައްޔަރުކޮށްފި

ބަނގުރާ ކެއްކި މައްސަލާގައި ބިދޭސީއަކު ހައްޔަރުކޮށްފިއެވެ.

Ads by MWSC

މާލޭ ރޯޝަނީ މަގުގައި ހުރި ގެއަކުން ދުން އަރާތީ އެ ގެއަކަށް ފުލުހުން ވަދެފައިވަނީ މިއަދު ހެނދުނުގެ ވަގުތެއްގައެވެ.

ފުލުހުން ބުނީ މާލޭ ރޯޝަނީ މަގުގައި ހުރި ގެއަކުން ދުން އަރާތީ ރިޕޯޓްކޮށްފައި ވަނީ ހެނދުނު 6:12 ގައި ކަމަށެވެ.

އެގޮތުން އެމްއެންޑީއެފާއި ފުލުހުން އެ ގެއަށް ގޮސް ދޮރުގައި ތެޅުމުން އެއްވެސް މީހަކު ދޮރު ނުހުޅުވުމުން ބާރުގެ ބޭނުންކޮށް އެ ގެއަށް ވަދެފައިވާ ކަމަށެވެ.

ފުލުހުން ބުނީ އެ ގެއިން ދުން އަރަމުން ދިޔައީ ބަނގުރާ ކައްކަމުން ދިއުމުން ކަމަށާއި, ބަނގުރާ ކައްކަން ބޭނުންކުރާ ސާމާނު އެ ގެއިން ފެނިފައިވާ ކަމަށެވެ.

އެމައްސަލާގައި 34 އަހަރުގެ ބިދޭސީއަކު އެ ގޭ ތެރެއިން ހައްޔަރުކޮށްފައިވާ ފުލުހުން ބުންޏެވެ.