ފުލުހުން އަންހެނަކަށް އަނިޔާކުރި ކަމަށް ބުނާ މައްސަލައިގެ ތަފްސީލް ހާމަކޮށްފި
ފުލުހުން އަންހެނަކަށް އަނިޔާކުރި ކަމަށް ބުނާ މައްސަލައިގެ ތަފްސީލް ފުލުހުން ހާމަކޮށްފިއެވެ.
ފުލުހުން ވިދާޅުވީ ވައްކަމާއި މަސްތުވާތަކެތި އަދި ޖަމާއަތް ހަދައިގެން ކުށްކުރާ ފަރާތްތަކަށް އަމާޒުކޮށްގެން ކުރިއަށް ގެންދާ އޮޕަރޭސަންގެ ތެރެއިން އިއްޔެ ރޭ ހުޅުމީދޫގައި ފުލުހުން ޕެޓްރޯލް ކުރަމުން ދިޔައިރު މަގުމަތިން ފެނުން 37 އަހަރުގެ
ފިރިހެނެއްގެ ހަރަކާތްތައް ހުރިގޮތުން މަސްތުވެގެން ހުރިކަމަށް ތުހުމަތު ކުރެވޭތީ ހުއްޓުވައި ސުވާލުކޮށްފައިވާ ކަމަށެވެ.
އަދި ފުލުހުން އޭނާއާ ސުވާލު ކުރަމުންދިޔައިރު 35 އަހަރުގެ އަންހެނަކު ފުލުހުންނަށް މައުލޫމާތު ދޭން ނުޖެނޭ ކަމަށްބުނެ ފުލުހުންނާ، ހުއްޓުވި 37 އަހަރުގެ މިހާއާ ދެމެދަށް ވަދެ ފުލުހުންގެ ވާޖިބަށް ހުރަސް އެޅޭގޮތަށް މަސައްކަތްކޮށްފައިވާ ކަމަށާއި އެ ފިރިހެން މީހާ ފޮލިސް ސްޓޭޝަނަށް ގެނައުމުން އެ އަންހެން މީހާ އިތުރު އަންހެނަކާއެކު ޕޮލިސް ސްޓޭޝަނަށް ވަދެ، އެ ފިރިހެންމީހާ ދޫކޮށްލުމަށް އަޑުގަދަކޮށް ސްޓޭޝަން ތެރޭގައި މަސްލަހަތު ނަގާލައި ހަމަ ނުޖެހުން ހިންގާފައިވާ ކަމަށެވެ.
އަދި އެ އަމަލު ހުއްޓުވައި ސުލްހަވެރިކަމާއެކު ޕޮލިސް ސްޓޭޝަނުން ބޭރަށް ނުކުތުމަށް ފުލުހުން އެ ދެ އަންހެނުންނަށް އެނގުމުން އެކަމަށް އިންކާރުކޮވފައިވާތީ ފުލުހުންނަށް ލިބިދޭ ގާނޫނީ ބާރުގެ ތެރެއިން، ސްޓޭޝަނުން އެ މީހުން ނެރުމަށް މަސައްކަތްކޮށްފައިވާ ކަމަށް އެ ބަޔާނުގައި ބުނެފައިވެއެވެ.
މީގެ އިތުރުން އެމީހުން ނެރުމަށް މަސައްކަތްކުރި އަންހެން ފުލުހުންގެ ގަޔަށް އަތްލައި ހަމަނުޖެހުން ހިނގާފައިވާ ކަމަށާއި މިކަމުގެ ތެރެއިން އަންހެން ދެ ފުލުހުނަށް އެކިވަރުގެ އަނިޔާ ލިބިފައިވާ ކަމަށް ބުނެފައިވެއެވެ.
އަދި ފުލުހުންގެ ވާޖިބަށް ހުރަސް އަޅައި ހަމަޖެހުން ހިންގާފައިވާ މައްސަލަ ފުލުހުންގެ ޚިދުމަތުން ބަލަމުންދާ ކަމަށާއި މިކަމުގައި
ފުލުހުން އަމަލުކޮށްފައިވާ ގޮތުގެ މައުލޫމާތު ހޯދައި، ކަން ހިނގައިދިޔަ ގޮތްވެސް ފުލުހުންގެ ހިދުމަތުން ބަލަމުންދާ ކަމަށް އެ ބަޔާނުގައި ބުނެފައިވެއެވެ.
Ads by STO
