އަރުޝަދު ބަންދުން ދޫކޮށްލި މައްސަލަ ސުޕްރީމް ކޯޓަށް ހުށަހަޅައިފި
މަސްތުވާތަކެތީގެ ބޮޑު މައްސަލައެއްގައި އިސް މީހާ ކަމަށް ފުލުހުން ތުހުމަތުކުރާ އަރުޝަދު ޚާލިދު ފުލުހުން އަމިއްލައަށް ބަންދުން ދޫކޮށްލުމުން އެ މައްސަލަ ޕްރޮސެކިއުޓާ ޖެނެރަލްގެ އޮފީހުން ސުޕްރީމް ކޯޓަށް ހުށަހަޅައިފިއެވެ.
ޕީޖީ އޮފީހުން ވިދާޅުވީ، ހައި ކޯޓުގެ ނިންމުން ޕީޖީން ސުޕްރިމް ކޯޓަށް ހުށަހަޅާފައިވަނީ އިއްޔެގެ ވަގުތެއްގައި ކަމަށެވެ.
އަރުޝަދު އެން،މެ ފުތަމަ ހައްޔަރުކޮށްފައިވަނީ، ސްރީ ލަންކާއިން ދުބާއީއަށް ދިއުމުން، ދުބާއީއަށް އެތެރެވިޔަނުދީ އަނބުރާ ފޮނުވާލުމުންނެވެ.
2020 ވަނަ އަހަރު ފުލުހުން މާލޭގައި ހިންގި އޮޕަރޭޝަނެއްގައި ހައްޔަރުކުރި ޑްރަގް ނެޓްވޯކެއްގެ އެންމެ އިސް ވެރިޔަކީ އަރުޝަދު ޚާލިދުކަމަށް ފުލުހުން ބުނެފައިވެއެވެ. އެ އޮޕަރޭޝަނުގައި މާލޭގެ ގެއެއް ފާސްކޮށް 09 ކިލޯގެ މަސްތުވާތަކެތި ފުލުހުން ހޯދާފައިވާއިރު, އޮޕަރޭޝަންގައި 4.6 މިލިއަން ރުފިޔާ ވެސް ފުލުހުން ވަނީ ހޯދާފައެވެ.
އެ ތަކެތި އެތެރެކުރުމަށްފަހު އަރުޝަދު ދުބާއީއަށް ގޮސް ފިލާފައިވާކަމަށް ފުލުހުން މީގެކުރިން ބުނެފައިވެއެވެ. އެ ގޮތުން ދުބާއީގައި އުޅުމަށްފަހު ލަންކާއަށް ދިއުމުން އެ ޤައުމުން އަރުޝަދު ވަނީ ޑީޕޯޓުކޮށްފައެވެ.
Ads by STO
