އަންހެނެއްގެ ގައިގައި ސައިކަލަކުން ޖެއްސި މީހަކު 70،000 ރުފިޔާއިން ޖޫރިމަނާކޮށްފި
އަންހެނެއްގެ ގައިގައި ސައިކަލަކުން ޖެއްސި މީހަކު، 74،400 ރުފިޔާއިން ޖޫރިމަނާކޮށްފިއެވެ.
މި ދަޢުވާއަކީ ގދ. ތިނަދޫ ހިޔަލީގުލްޝަން، ނަސްރުﷲ ސަލީމް، 31 މާރިޗު 2017 ދުވަހު 18:30 އެހައިކަންހާއިރު އެއްގަމު އުޅަނދުފަހަރު ދުއްވުމުގެ ލައިސަންސް ނެތި، އެ ރަށުގެ މިސްކިތްމަގުން އިރުން ހުޅަނގަން ދުއްވާފައި ދަނިކޮށް، ގދ.ތިނަދޫ ސްވީޓްޑްރީމްގެ، މާހާ އަލި ހާޝިމްގެ ގައިގައި ޖެހި ބޮޑެތި ޖިސްމާނީ އަނިޔާތަކެއްވެފައިވާތީ ކޮށްފައިވާ ދަޢުވާއެކެވެ.
މި ޝަރީއަތް ނިމުނުގޮތުގެ ރިޕޯޓުގައި ބުނެފައިވަނީ މިމައްސަލައާ ގުޅިގެން ބޭއްވުނު އަޑައެހުމުގައި، ނަސްރުﷲ ސަލީމް ދައުވާއަށް އިއުތިރާފްވެފައިވާކަމަށެވެ. އަދި ނަސްރުﷲ ސަލީމް އިބްތިދާއީ އަޑުއެހުމުގައި ދަޢުވާއަށްވީ އިޢުތިރާފު ދަމަހައްޓަން ބޭނުންވާކަމަށާއި، އިޢުތިރާފުވަނީ އެއްވެސް މަޖުބޫރުކަމެއްނެތި
އަމިއްލަ އިހްތިޔާރުގައިކަމަށް ބުނެފައިވާ ކަމަށެވެ.
އިބްތިދާ އާއެހުމުގައި އަދި އަވަސްނިޔާގެ ޝަރީއަތުގެ އަޑުއެހުމުގައި ނަސްރުﷲ ސަލީމް ދައުވާއަށް އިޢުތިރާފްވެފައިވާތި
އަނިޔާއެއް ދިނުމުގެ ކުށުގެ ދައުވާ، ނަސްރުﷲ ސަލީމްގެ ސައްހަ އަދި ފުރިހަމަ އިއުތިރާފުން، އެކަށީގެންވާ މިންވަރަށް ޝަރީއަތަށް ސާބިތުވާކަމަށް ކަނޑައަޅާފައިވެއެވެ.
މި ކުށުގެ އަދަބާ ގުޅޭގޮތުން ދައުލަތުން ބުނެފައިވަނީ، މި ކުށަށް ކަނޑައެޅޭ އަދަބުގެ މިންގަނޑަކީ 1 އަހަރާއި، 7 މަހާއި 6 ދުވަހަށް ޖަލަށްލުން ކަމަށެވެ. މިފަދައިން ދައުލަތުން ވިދާޅުވުމުން ނަސްރުﷲ ސަލީމް ބުނެފައިވަނީ އޭނާ އުޅެނީ މީޑިއާނެޓްގެ ވަޒީފާގައި ކަމަށާއި، ވަޒީފާ ލިބުނީ ވަރަށް އުނދަގުލުންކަމަށެވެ. އެހެންކަމުން ކަނޑައެޅޭ އަދަބު ޖުރިމަނާއަށް ބަދަލުކޮށްދިނުމަށް އެދޭކަމަށް ބުނެފައިވެއެވެ.
މިއާއެކު އެ މައްސަލަ ބެއްލެވި ގާޒީ ހުކުމް ކުރެއްވީ، 74،400 ރުފިޔާއިން ޖޫރިމަނާ ކުރުމަށެވެ. އަދި އެ ފައިސާ 18 މަސް ދުވަހުގެ ތެރޭގައި މީރާއަށް ދެއްކުމަށް ވަނީ އަންގާފައެވެ.
