ޑާންސް ޓްރައިބަލް ފެސްޓިވަލްގައި ބައިވެރިވާން ބިދަބިން އިންޑިއާއަށް

އިންޑިއާގައި ނޮވެންބަރު 01 އިން 03 އަށް ބާއްވާ “ނޭޝަނަލް ޑާންސް ޓްރައިބަލް ފެެސްޓިވަލް"ގައި ރާއްޖޭގެ ބޮޑުބޮޑު ގްރޫޕް ބިދަބިން އިން ބައިވެރިވާ ގޮތަށް ހަމަޖެހިއްޖެއެވެ.

Ads by Sosun Fihaara

އިންޑިއާގެ ޗަސްތިސްގަރްގައި އޮންނަ މި ޑާންސް ފެސްޓިވަލްގައި ބިދަބިންގެ 10 މެންބަރުން ބައިވެރިވާނެއެވެ.

މިއީ އިންޑިއާއާއި ރާއްޖެއާ ދެމެދު އޮތް ޘަޤާފީ ގުޅުން އިތުރަށް ވަރުގަދަ ވެގެންދާނެ ކަމެއް ކަމަށް ރާއްޖޭގައި ހުންނަ އިންޑިއާގެ ހައި ކޮމިޝަނުން ބުނެއެވެ.

މި ފެސްޓިވަލްގައި 1500 އަށްވުރެ ގިނަ ފަންނާނުން ބައިވެރިވާނެއެވެ. މި ފެސްޓިވަލުގައި ރަޝިއާ އިންޑޮނޭޝިއާ، ނިއުޒިލެންޑް ފަދަ ޤައުމުތަކުން ވެސް ވަނީ ބައިވެރިފައެވެ. ޖުމްލަ 28 ސްޓޭޓަކުންނާއި 8 ޔޫނިއަންއަކުން މި ފެސްޓިވަލްގައި ބައިވެރިވެއެވެ.