ޕެންޝަން އޮފީހުގެ ސީއީއޯއަކަށް ސުޖާތާ ހަލީމް އައްޔަންކޮށްފި

ކުރިއަށް އޮތް ފަސް އަހަރު ދުވަހަށް ޕެންޝަން އޮފީހުގެ ޗީފް އެގްޒެކެޓިވް އޮފިސަރު(ސީއީއޯ)ގެ މަގާމަށް ސުޖާތާ ހަލީމް އައްޔަނުކޮށްފިއެވެ.
ޕެންޝަން އޮފީހުން ނެރުނު ބަޔާނެއްގައި ބުނެފައިވަނީ އެ އޮފީހުގެ ސީއީއޯގެ މަގާމުގައި މީގެ ކުރިން ވެސް ސުޖާތާ އަކީ 2015 އަހަރުން ފެށިގެން މިއަދާ ހަމައަށްވެސް އެ އޮފީހުގެ ޗީފް އޮޕަރޭޓިން އޮފިސަރު(ސީއޯއޯ)ގެ މަގާމު އަދާ ކުރައްވަމުން ގެންދަވާ ބޭފުޅެއް ކަމަށެވެ.
އަދި ދެމެހެއްޓެނިވި އަދި ޒަމާނީ ޕެންޝަން ނިޒާމެއް ތައާރަފް ކުރުމަށް ކުރެވުނު މަސައްކަތުގައި އެންމެ ކުރީ ސަފުގައި މެދު ނުކެނޑި 16 އަހަރު ސުޖާތާ ޚިދުމަތް ކުރައްވައިފައިވާކަމަށެވެ.
މީގެ އިތުރުން ވޯލްޑް ބޭންކުން ރާއްޖޭގައި ކުރިއަށް ގެންދިޔަ ޕެންޝަން އެންޑް ސޯޝަލް ޕްރޮޓެކްޝަން އެޑްމިނިސްޓްރޭޝަން ޕްރޮޖެކްޓް ހިންގެވުމާއި، ދިވެހިރާއްޖޭގެ ޕެންޝަނާއިބެހޭ ގާނޫނު އެކުލަވާލުމަށް ކުރެވުނު މަސައްކަތުގައި އަދި އެގާނޫނު ތަންފީޒު ކުރުމުގައި އިސް ދައުރެއް އަދާކުރައްވައިފައިވާ ކަމަށް އެ ބަޔާނުގައި ބުނެފައިވެއެވެ.




ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.