އަލިފާނުގެ ހާދިސާ: މަރުވި މީހުންގެ ތޭރޭގައި ތިން އަންހެނުން

މ. ނިރުފެހިގޭގައި ހިނގި އަލިފާނުގެ ހާދިސާގައި މަރުވި މީހުންގެ ތެރޭގައި ތިން އަންހެނުން ހިމެނޭ ކަމަށް މައުލޫމާތު ލިބިއްޖެއެވެ.

Ads by Hajj Corporation

މި ހާދިސާގައި މަރުވި މީހުންގެ ތެރޭގައި ހިމެނެނީ އިންޑިއާ 8 މީހަކާއި ބަންގްލަދޭޝް މީހެކެވެ. އޭގެ ތެރޭގައި މެދު އުމުރުގެ ބިދޭސީންނާއި ޒުވާން ބިދޭސީން ހިމެނޭ ކަމަށް މައުލޫމާތު ލިބެއެވެ. މަރުވި މީހުންނާއި ގުޅޭ ތަފްސީލެއް މިހާތަނަށް ފުލުހުން ހާމަކޮށްފައެއް ނުވެއެވެ.

ރާއްޖޭގައި ތިން ލައްކައާ ގާތް ކުރާ އަދަދަކަށް ބިދޭސީން އުޅޭއިރު، ގިނަ ބިދޭސީން އުޅެނީ ވެރިރަށް މާލޭގައެވެ. ތޮއްޖެހިފައިވާ މާލޭގައި މި ފަރާތްތަކުން އުޅެމުން އަންނަނީ ވަރަށް ދަތި ހާލުގައެވެ.

ރޭ ދަންވަރު 00:30 ހާއިރު އަލިފާނުގެ ހާދިސާ ހިނގާފައިވަނީ މާފަންނު އިސްކަންދަރު މަގާއި ކޯރުކެނޑި މަގު ގުޅޭ ހިސާބުގައި ހުންނަ މ. ސެންރޯސްގޭގެ އެންމެ ތިރީގައި ހުރި ގަރާޖުގައެވެ.