ރޯވި ގަރާޖް ހިންގަނީ ހުއްދަ ނުނަގާ!
ރޭ އަލިފާނުގެ ހާދިސާ ހިނގި މ. ނިރުފެހި ގޭގެ ތިރީ ފްލޯގައި ހިންގަމުން ދިޔަ ގަރާގް ހިންގަމުން ގޮސްފައިވަނީ އެކަމަށް ނަގަން ޖެހޭ ހުއްދަ ނުހޯދާކަން ހާމަވެއްޖެއެވެ.
"ދެން" އަށް ކަށަވަރުވެފައިވާ ގޮތުގައި ރޯވި އިމާރާތުގެ ތިރީ ބުރީގައި ވެހިކަލް މަރާމާތުކުރާ ތަނެއްގެ ގޮތުގައި ބޭނުންކުރަން ހުއްދައަށް މިދިޔަ އަހަރު ވަނީ އެދިފައެވެ. ނަމަވެސް ސިޓީ ކައުންސިލުން އެ ހުއްދަ ދޫކޮށްފައެއް ނުވެއެވެ.
ކައުންސިލުން ހުއްދައަށް އެދުނު ފަރާތްތަށް ފޮނުވި ސިޓީގައި ބުނެފައިވަނީ، ބިންތަކުގައި ވަޑާންގެ އާއި ވެހިކަލް މަރަމާތުކުރުމާއި ވޯކްޝޮޕް ފަދަ ތަންތަން ހިންގުމަކީ، އިގުތިސާދީ މަސައްކަތްކުރާ ތަންތަން ހެދުމަށް ހުއްދަދިނުމާއި ހިންގުމުގެ ގަވާއިދުގެ ދަށުން މަނާ ކަމަކަށް ވާތީ ހުއްދަ ދެވެން ނެތް ކަމަށެވެ.
ހުއްދަ ނުހޯދާ ގަރާޖް ހިންގާ މައްސަލައިގައި އެތަނުގެ ވެރިފަރާތަށް ފިޔަވަޅު އަޅާފައިވާ ކަމެއް އަދި މައުލޫމާތެއް ނުލިބެއެވެ.
މާލެ ސިޓީ ކައުންސިލުން މިއަދު ބުނީ، ގަރާޖު ފަދަ ތަންތަން ސިނާޢީ ސަރަޙައްދަށް ބަދަލު ކުރުމަށް، ސިޓީ ކައުންސިލުގެ މި ދައުރުގެ ކުރީކޮޅުގައިވެސް މަސައްކަތްތަކެއް ކުރެވުނު ކަމަށެވެ. ނަމަވެސް ސަރުކާރުން އެކަމަށް އެއްވެސް ވަރަކަށް އެއްބާރުލުން ދެއްވާފައިނުވާކަން މާލޭގެ މޭޔަރު، ޑރ.މުޙައްމަދު މުޢިއްޒު މއިަދު ވަނީ ފާހަގަކުރައްވައިފައެވެ.
ރޭ އެއިމާރާތުގައި އަލިފާން ރޯވެ، 10 މީހަކު ވަނީ މަރުވެފައެވެ. މަރުވި މީހުންގެ ތެރޭގައި ތިން އަންހެނުންވެސް ހިމެނެއެވެ.
މޚމިހާމަވަނީ މާލޭ މީހުން ލާރި ހޯދަން މީހުން ފެލާވަރު ކޮބާތަ އެއްކަލަ މާލޭ މީހާަ އަނގައަށް ގުއިރެވިފަ