އަލިފާނުގެ ހާދިސާ: މަރުވި މީހުންގެ ތެރޭގައި ހަތަރު އަންހެނުން، އެކަކު އަދި ދެނެނުގަނެވޭ

އިއްޔެ ރޭ މާލޭގައި ހިނގި އަލިފާނުގެ ހާދިސާގައި މަރުވި 10 މީހުންގެ ތެރެއިން އެކަކު އަދި ވެސް ދެނެގަނެވިފައި ނުވާ ކަމަށް ފުލުުހުންގެ ޚިދުމަތުން ވިދާޅުވެއްޖެއެވެ.

Ads by MWSC

މިއަދު މީޑިއާތަކާ ހިއްސާކުރި މައުލޫމާތުގައި ފުލުހުން ވިދާޅުވީ، މަރުވި މީހުންގެ ތެރޭގައި ހިިމެނެނީ އިންޑިއާ ހަތް މީހަކާއި ބަންގްލަދޭޝް ދެ މީހުން ކަމަށެވެ. 10 ވަނަ މީހާ ދެނެގަނެވިފައި ނުވާ ކަމަށް ވިދާޅުވިއެވެ.

މަރުވި މީހުންގެ ތެރޭގައި ހިމެނެނީ ހަތަރު އަންހެނުންނާއި ފަސް ފިރިހެނުންނެވެ. އަންހެނުންގެ ތެރޭގައި ހިމެނެނީ އިންޑިއާ ތިން މީހުންނާއި ބަންގްލަދޭޝްގެ އަންހެނެކެވެ. ފިރިހެނުންގެ ތެރޭގައި ހިމެނެނީ ހަތަރު އިންޑިއާ މީހުންނާއި ބަންގްލަދޭޝް މީހެކެވެ.