Thursday, 19 November 2026
Advertisement
HDC — Share-Below (leaderboard)
ދުނިޔެ

ތުރުކިޔެގައި ބާރު އެއްޗެއް ގޮއްވާލައި 6 މީހުން މަރު

ތުރުކިޔެގައި ބާރު އެއްޗެއް ގޮއްވާލައި 6 މީހުން މަރު

ތުރުކިޔެގެ ވެރިރަށް އިސްތާންބުލްގައި ބާރު އެއްޗެއް ގޮއްވާލައި ދިން ހަމަލާއެއްގައި 53 މީހަކު ޒަޚަމްވެ 6 މީހުން މަރުވެއްޖެއެވެ.

މި ހާދިސާ ހިނގާފައިވަނީ މިއަދު އިސްތާންބުލްގެ ގަޑިން 16:20 ގައި ތަކްސިމް ސްކޮޔައ ހިސާބުގައި ކަމަށް އިސްތާންބުލްގެ ގަވަރުނަރު ވިދާޅުވެފައިވެއެވެ.

މި ހާދިސާ ހަމަލޮލުން ފެނުނު މީހަކު ސިފަކޮށްފައިވާ ގޮތުގައި އިވުނު ބާރު އަޑަކާއެކު ދެން ފެނުނީ މަގުމަތީގައި އެތައް ބަޔަކު ވެއްޓިފައި އޮތްތަނެވެ.

Advertisement
HDC — Sidebar (box)

އާންމުކޮށް ވަރަށް ގިނަ މީހުން ވިޔަފާރި ކުރުމަށް ނުކުމެ އުޅޭ މި މަގަށް މިވަގުތު ވަނީ ވަރަށް ހަމަހިމޭންކަމާއި ބިރުވެރިކަން ވެރިވެކަމަށް އެތަނުގައި މިވަގުތު ހަރަކާތްތެރި ވަމުންދާ ބީބީސީ ރިޕޯޓަރު ސިފަކޮށްދީފައިވެއެވެ.

މި ހާދިސާ ހިނގަން މެދުވެރިވި ސަބަބެއް މިހާތަނަށް ސާފުވެފައިނުވާއިރު، ތުރުކިޔެގެ ރައީސް ރަޖަބު ތައްޔިބު އެރުދުޣާން ވިދާޅުވެފައިވަނީ މި ހަމަލާ ހިންގި މީހުންނަށް ހަރުކަށި އަދަބު ދެވޭނެކަމަށެވެ. އަދި މި ހަމަލާ މިވަގުތު ބެލެވެނީ ޓެރަރިޒަމްގެ ހަމަލާއެއްކަމުގައި ވިޔަސް މިކަން އަދި ކަށަވަރުކޮށްދެވެން ނެތްކަމަށްވެސް އެމަނިކުފާނު ނޫސް ވެރިންގެ ބައްދަލުވުމެއްގައި ވިދާޅުވެފައިވެއެވެ.

2016 އަހަރުގައިވެސް މި މަގުގައި މީހަކު ވަނީ ޖާނުން ފިދާވެ ބޮމުގެ ހަމަލާއެއް ދީފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.