ނާސްތާ ޕްރޮގްރާމުގެ ސަބަބުން ހެޔޮ ބަދަލުތަކެއް ފެނޭ: މިނިސްޓަރު
މި ސަރުކާރުން ސްކޫލްތަކުގައި ފެށި ނާސްތާ ޕްރޮގްރާމްގެ ސަބަބުން ހެޔޮ ބަދަލުތަކެއް ފެންނަން ފަށާފައިވާ ކަމަށް އެޑިއުކޭޝަން މިނިސްޓަރު ޢައިޝަތު ޢަލީ ވިދާޅުވެއްޖެއެވެ.
ޕީއެސްއެމްގެ "ސަރުކާރަށް ހަތަރު އަހަރު" ޕްރޮގްރާމްގައި ދެއްކެވި ވާހަކައިގައި މިނިސްޓަރު ވިދާޅުވެފައިވަނީ ހެނދުނުގެ ނާސްތާ ޕްރޮގްރާމް މިހާރު ކުރިއަށް ދަނީ އެކަމަށް ބޭނުންވާ ދަރިވަރުންނަށް އެކަނި ކަމަށާއި، މި ޕްރޮގްރާމްގެ ހެޔޮ ނަތީޖާ ފެންނަމުންދާ ކަމަށެވެ.
"އެ ކުދިންގެ ކިޔެވުމަށް ކުރާ އަސަރުތަކާއި، އަދި ކިޔެވުމަށް އަންނަ ރަނގަޅު ބަަދަލުތައް." ހެނދުނުގެ ނާސްތާ ޕްރޮގްރާމްގެ ފައިދާ ވިދާޅުވެދެއްވައި، މިނިސްޓަރު ފާހަގަކުރެއްވިއެވެ.
ސްކޫލްތަކުގައި ހެނދުނުގެ ނާސްތާ ދިނުމަކީ އެމްޑީޕީގެ މުހިންމު އެއް ވައުދެެވެ. ސްކޫލުތަކުގެ ދަރިވަރުންނަށް ހެނދުނުގެ ނާސްތާ ދޭން ފެށީ 2019 ވަނަ އަހަރުގެ ޖެނުއަރީ މަހުއެވެ. އަޖުމަ ބެލުމުގެ ގޮތުން ފެށި އެ ޕްރޮގްރާމްގައި ނާސްތާ އެންމެ ފުރަތަމަ ދީފައިވަނީ 25 ސްކޫލެއްގައެވެ.
ލަދުވެތިވެބަލަ